Last updated on October 7th, 2023 at 06:25 pm
ವಿಟ್ಲ: ಜ್ವರೊಟು ನರಲೊಂದಿತ್ತಿನ ಜವನೆ ಒರಿ ಮರ್ದ್ ಪಲಿಪಂದೆ ಅಸ್ಪತ್ರೆಡ್ ತೀರ್ದಿನ ನಡಕೆ ನಡತ್‌ದ್ಂಡ್. ಪುಣಚ ಬೈಲ್‌ಪಾದೆ ಲಿಯೋ ಡಿಸೋಜ಼ೆರೆನ ಮಗೆ ರಿತೇಶ್ ಡಿಸೋಜ಼ (31) ತೀರ್ದಿನಾರ್.
ರಿತೇಶ್ ಡಿಸೋಜ಼ೆರೆಗ್ ಸೆ.30 ದಾನಿ ಒಂತೆ ಜ್ವರ ಇತ್ತ್ಂಡ್. ಮುಟ್ಟದ ಅಸ್ಪತ್ರೆಡ್ ಮರ್ದ್ ಮಲ್ತಿತ್ತೆರ್, ಆಂಡಲಾ ಜ್ವರ ಕಮ್ಮಿಯಾದಿತ್ತಿಜಿ. ಅಕ್ಟೋಬರ್ 4ತಾನಿ ಕಾಂಡೆ 5 ಗಂಟೆದ ಅಂದಾಜಿಗ್ ಆರೆಗ್ ಜ್ವರ ಬಾರೀ ಜಾಸ್ತಿ ಆಯಿನೆರ್ದಾವರ ಕುಡ್ಲ ಕಂಕನಾಡಿ ಫಾದರ್ ಮುಲ್ಲರ್ ಆಸ್ಪತ್ರೆಗ್ ಲೆತೊಂದುಪೋತೆರ್. ಆಂಡ ಅಲ್ಪದ ಬೈದ್ಯೆರ್ ಪರೀಕ್ಷೆ ಮಲ್ತ್ ರಿತೇಶ್ ಡಿಸೋಜ಼ೆರ್ ತೀರ್ದೆರ್ಂದ್ ತೆರಿಪಾದೆರ್. ರಿತೇಶ್‌ನ ಅಮ್ಮೆರ್ ಕೊರ್ತಿನ ಒಯಿಲ್‌ದ ಪ್ರಕಾರ ವಿಟ್ಲ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.