Last updated on October 7th, 2023 at 06:07 pm
ಜೆರುಸಲೆಂ: ಉಕ್ರೇನ್ ಬೊಕ್ಕ ರಷ್ಯಾದ ಲಡಯಿ ಒಂಜರೆ ವರ್ಸ ಕರೀಂಡಲಾ ಮುಗಿಪುಲೆಕ ತೋಜೊಂದಿಜ್ಜಿ. ಉ್ಂದೆತ ನಡುಟು ಕುಡೊಂಜಿ ಯುದ್ಧ ಸುರುವಾತ್ಂಡ್. ಇಸ್ರೇಲ್ ಬೊಕ್ಕ ಪ್ಯಾಲೆಸ್ತೇನ್‌ ನಡುವತ ಗಾಜಾ ಪಟ್ಟೆರ್ದ್ ಪ್ಯಾಲೆಸ್ತೇನ್‌ ಹಮಾಸ್ ಉಗ್ರೆರ್ ಭೀಕರ ರಾಕೆಟ್ ದಾಳಿ ಮಲ್ತಿನ ಬೆರಿಟೇ ಇಸ್ರೇಲ್ ಯುದ್ಧದ ಘೋಷಣೆ ಮಲ್ದ್ಂಡ್.
ಇನಿ ಪರ್ಬದ ರಜೆತ ಪೊರ್ತುಡು ಕಾಂಡೆ ಕಾಂಡೆ 5000ಕರ್ದ್‌ಲಾ ಎಚ್ಚಿನ ರಾಕೆಟ್‌ಲೆನ್ ಇಸ್ರೇಲ್‌ದಂಚಿಗ್ ಉಗ್ರೆರ್ ಬುಡ್ತೆರ್. ಉ್ಂದು ಎಂಕ್ಲೆನ ಸುರುತ ದಾಳಿ ಪಂದ್ ಹಮಾಸ್ ಉಗ್ರೆರ್ ಪಂಡೊಂದೆರ್. ಇಸ್ರೇಲ್‌ಡೊರ್ಮೆ ಎಚ್ಚರ್ಗೆದ ಲೆಪ್ಪು ಕೊರ್ತೆರ್.
ಹಮಾಸ್ ಉಗ್ರೆರ್ ಇಸ್ರೇಲ್‌ದ ಉಲಯಿ ಪೊಗ್ಗುದೆರ್ ಪಂದ್ ರಕ್ಷಣಾ ಪಡೆ ಒಲವು ಕೊರ್ತುಂಡು. ದಾಳಿಗ್ ಪ್ಯಾರಾಗ್ಲೈಡರ್‌‌ಲೆನ್ ಗಲಸ್‌ದಿನೆನ್ ಇಸ್ರೇಲ್ ಬುಡುಗಡೆ ಮಲ್ದಿನ ವಿಡಿಯೋಲು ತೋಜಾವೊಂದುಲ್ಲ.
ಈ ಬೇಲೆಗ್ ಹಮಾಸ್‌ಗ್ ಬುದ್ದಿ ಕಲ್ಪಾವ ಪಂದ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಸರ್ಕಾರ ಎಚ್ಚರ್ಗೆ ಕೊರ್ತೆರ್.