Last updated on October 12th, 2023 at 06:39 pm
ತುಳುನಾಡ್ ಬೊಕ್ಕ ಉತ್ತರ ಕರ್ನಾಟಕೊಗು ಸಂಪರ್ಕ ಮನ್ಪಾವುನ ಬಿಜಾಪುರ-ಕುಡ್ಲ ಜಂಕ್ಷನ್ ನಿಚ್ಚೊದ ವಿಶೇಷ ಎಕ್ಸ್‌ಪ್ರೆಸ್ ರೈಲ್‌ನ್ ಪರ್ಮನೆಂಟ್ ಮನ್ಪೊಡೂನ್ಪಿ ಬಿನ್ನಪುದ ನಡುಟು ಕುಡೊಂಜಿ ಪೊಸಸ ಬಿನ್ನಪು ನೈಋತ್ಯ ರೈಲ್ವೆದ ಎದುರು ಬೈದ್ಂಡ್.
ಬಿಜಾಪುರೊತ ಸಂಸದೆ ರಮೇಶ್ ಜಿಗಜಿಣಗಿ ನೈಋತ್ಯ ರೈಲ್ವೆಗ್ ಓಲೆ ಬರೆದ್ ಬಿಜಾಪುರ- ಕುಡ್ಲ ಜಂಕ್ಷನ್ ರೈಲ್‌ದ ಬಗೆಟ್ ಬಿನ್ನಪು ದೀತೆರ್. ಪ್ರಯಾಣಿಕೆರೆರ್ದ್ ಎಡ್ಡೆ ಪ್ರತಿಕ್ರಿಯೆ ಇಪ್ಪುನ 07377/ 07378 ರೈಲ್‌ನ್ ಪರ್ಮನೆಂಟ್ ಮನ್ಪೊಡು ಪನ್ಪಿ ಬಿನ್ನಪು ಇತ್ತೆನೇ ನೈಋತ್ಯ ರೈಲ್ವೆದ ಎದುರು ಉಂಡು.
*ಸಂಸದೆರ್ನ ಬಿನ್ನಪು ದಾದ?*
ಸಂಸದೆ ರಮೇಶ್ ಜಿಗಜಿಣಗಿ ಬಿಜಾಪುರ-ಕುಡ್ಲ ಜಂಕ್ಷನ್ ರೈಲ್‌ನ್ ಕುಡ್ಲ ಸೆಂಟ್ರಲ್ ಮುಟ್ಟ ಮನ್ಪೊಡು ಪಂದ್ ಬಿನ್ನಪು ದೀತೆರ್. ಕುಡ್ಲ ಸೆಂಟ್ರಲ್ ಉಂತಡೆಡ್ ರಡ್ಡ್ ಪೊಸ ಪ್ಲಾಟ್‌ಫಾರ್ಮ್‌‌ಲೆನ್ ಕಟ್ಟ್‌ದೆರ್. ಅಂಚಾದ್ ಆಲ್ಪ ರೈಲ್ ಉಂತರೆ ತೊಂದರೆ ಇಜ್ಜಿ.
ಅಂಚಾದ್ ಪ್ರಯಾಣಿಕೆರೆಗ್ ಅನುಕೂಲ ಆಪಿಲೆಕ ಕುಡ್ಲ ಸೆಂಟ್ರಲ್ ಮುಟ್ಟ ರೈಲ್ ವಿಸ್ತರಣೆ ಮನ್ಪೊಡು. ಈ ಬಗೆಟ್ ಕೇಂದ್ರ ರೈಲ್ವೆ ಸಚಿವೆ ಅಶ್ವಿನಿ ವೈಷ್ಣವ್‌ಗ್‌ಲಾ ಓಲೆ ಬರೆತ್ಂಡ್ ಪಂದ್ ಸಂಸದೆರ್ ನೈಋತ್ಯ ರೈಲ್ವೆಗ್ ಡರೆತಿನ ಓಲೆಡ್ ತೆರಿಪಾದೆರ್.