Last updated on October 18th, 2023 at 07:28 am
ಕುಡ್ಲದ ಕುದ್ರೋಳಿ ಶ್ರೀ ಗೋಕರ್ಣನಾಥ ದೇಲಂತಡೆಕ್ ಬೊಲ್ತೇರ್‌ದ ಸಿರೊ ಮಲಬಾರ್ ಕ್ಯಾಥೊಲಿಕ್ ಧರ್ಮಪ್ರಾಂತ್ಯದ ಬಿಷಪ್ ಡಾ. ಲಾರೆನ್ಸ್ ಮುಕುಝಿ ನೇತೃತ್ವೊಡು ಕ್ರೈಸ್ತೆರೆನ ನಿಯೋಗ ಬತ್ತ್ ಕುಡ್ಲ ದಸರಾದ ವೈಭವೊನು ತೂಯೆರ್.
ಈ ಪೊರ್ತುಡು ಕುದ್ರೋಳಿ ಕ್ಷೇತ್ರದ ಗುರ್ಕಾರೆ ಎಚ್.ಎಸ್ ಸಾಯಿರಾಂ, ಕಾರ್ಯಂತೆರಾಯಿನ ಮಾಧವ ಸುವರ್ಣ, ಕೋಶಾಧಿಕಾರಿ ಪದ್ಮರಾಜ್ ಬೊಕ್ಕ ಮಾತಾ ಪದುಕೆರ್ ಬಿಷಪೆರೆನ್ ಎತ್ಕೊನಿಯೆರ್.
ಗೇನದಪ್ಪೆನ ಎದುರು ಪೂಜೆ ಮಲ್ತಿನ ಶಾಂತಿಲು ಕ್ರೈಸ್ತೆರೆ ನಿಯೋಗೊಗು ಪುರ್ಸಾದ ಪಟ್ಟಿಯೆರ್. ಈ ಪೊರ್ತುಡು ಪಾತೆರಿನ ಬಿಷಪೆರ್, ಕುದ್ರೋಳಿ ದೇಲಂತಡೆಟ್ ನಾರಾಯಣಗುರುಕುಲೆನ ತತ್ವದ ಪ್ರಕಾರ ಮನುಷ್ಯ ಧರ್ಮೊನು ಸಾರುನ, ದೇವೆರೆನ್ ಪ್ರೀತಿ ಮಲ್ಪುನ ಕಜ್ಜ ನಡತೊಂದುಂಡು. ಉಂದು ಎಡ್ಡೆಡ್ ಆವಡ್ ಪನ್ದ್ ಎಡ್ಡೆಪ್ಪು ಬಯಕುವೆ. ದೇವೆರೆ ಆಶೀರ್ವಾದ ಮಾತೆರೆಗ್ ತಿಕ್ಕಡ್ ಪನ್ದ್ ಕೇನೊನುವೆ. ಮಾತೆರ್ಲಾ ಮೆಗ್ಯ ಪಲಯಲೆಕ್ಕ ಮೋಕೆಡ್ ಬದುಕುನ ಶಕ್ತಿ ದೇವೆರ್ ಮಲ್ಪಡ್ ಪನ್ಡ್ ಪನ್ಡೆರ್.