Last updated on October 19th, 2023 at 06:48 am
ಕುಡ್ಲ ಸಾಂಸ್ಕೃತಿಕ ಪ್ರತಿಷ್ಠಾನದ ಲೆಕ್ಕೊಡು ಅಕ್ಟೋಬರ್ 21ಕ್ಕ್ ಕಾಂಡೆ 10ರ್ದ್ ಕುಡ್ಲದ ಕೇಂದ್ರ ಮೈದಾನೊಡು ರಡ್ಡನೇ ವರ್ಸದ “ಕುಡ್ಲದ ಪಿಲಿ ಪರ್ಬ 2023” ನಡಪರೆ ಉಂಡು ಪನ್ದ್ ಶಾಸಕೆ ವೇದವ್ಯಾಸ ಕಾಮತೆರ್ ಪನ್ಡೆರ್.
ಈ ಲೇಸ್ ನ್ ಸಂಸದೆ ನಳೀನ್ ಕುಮಾರ್ ಕಟೀಲ್ ಉದಿಪನ ಮಲ್ಪರೆ ಉಲ್ಲೆರ್. ಮಲ್ಲ ಮಿತ್ತ ಚಾವಡಿಡ್ ತುಳುನಾಡ್ದ ಬಿರ್ಸೆರ್ ತೀರ್ಪುಗಾರೆರ್ನ ಎದುರು ಪಂತ ನಡಪುಂಡು. ಈ ಸಲ ಥರ್ಡ್ ಅಂಪೈರ್ಲಾ ಉಪ್ಪುಂಡು. ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆಯೊನೊಲಿ. ಪ್ರತಿ ಪಿಲಿಏಸದ ತಂಡ 20 ನಿಮಿಷ ಪ್ರದರ್ಶನ ಕೊರ್ರೆ ಉಲ್ಲ. ಪ್ರತೀ ತಂಡ 38ಕೆಜಿ ದುನ್ನದ ಅರಿತ ಮುಡಿ ರಾಪಾವುನ ಕಡ್ಡಾಯ. ಕರಿನ ಸಲ ಪಿಲಿ ಪರ್ಬೊಡು 12 ತಂಡೊಲು ಇತ್ತ, ಈ ಸಲ 15 ತಂಡೊಲು ಉಪ್ಪುವ ಪನ್ದ್ ಪನ್ಡೆರ್.