Last updated on October 19th, 2023 at 12:15 pm
ಜಿಲ್ಲಾ ವೆನ್ಲಾಕ್ ಆಸ್ಪತ್ರೆನ್ ರಿಪೇರಿ ಮಲ್ಪರೆ ಆರೋಗ್ಯ ಇಲಾಖೆ ದುಂಬು ಬೈದ್ಂಡ್, ಈ ದಿಸೆಟ್ 11 ಕೋಟಿ ಕರ್ಚಿ ಮಲ್ತ್ ಆಸ್ಪತ್ರೆಗ್ ಮೂಲಸೌಕರ್ಯದ ಬೇಲೆ ನಡಪುಂಡು ಪನ್ದ್ ಆರೋಗ್ಯ ಸಚಿವೆ ಅಂಚೆನೆ ಕುಡ್ಲ ಜಿಲ್ಲಾ ಉಸ್ತುವಾರಿ ಸಚಿವೆ ದಿನೇಶ್ ಗುಂಡೂರಾಯೆರ್ ಪನ್ಡೆರ್. ವೆನ್ಲಾಕ್‌ಡ್ ಗುರುವಾರ ನಡತಿನ ಪ್ರಗತಿ ಪರಿಶೀಲನಾ ಸಭೆಟ್ ಪನ್ಡೆರ್.
5 ಕೋಟಿಡ್ ಮರ್ದ್ ಉಗ್ರಾಣ, ವೈದ್ಯಕೀಯ ದಾಖಲೆ ವಿಭಾಗ, ಎಂ.ಡಿ.ಆರ್.ಟಿ.ಬಿ ವಾರ್ಡ್, ಜೀವ ವೈದ್ಯಕೀಯ ತ್ಯಾಜ್ಯ ಕೊಠಡಿಗ್ ಪೊಸ ಕಟ್ವಾನ ಕಟ್ಟುಂಡು. 2 ಕೋಟಿಡ್ 30 ಬೆಡ್ ಉಪ್ಪುನ ಪೊಸ ಡಯಾಲಿಸಿಸ್ ಘಟಕ, ಫೈರ್ ಸೇಫ್ಟಿದ ಬೇಲೆಲೆಗ್ 1.75 ಕೋಟಿ, ಪಿದಯಿರ್ದ್ ಮರ್ದ್ ಕೊನೊಪಿನಕಲೆನ ಅಂಚೆನೆ ಆಡಳಿತ ವಿಭಾಗದ ಕಟ್ವಾನ ಪರತ್ತ್ ಆದ್, ಈ ಕಟ್ವಾನದ ರಿಪೇರಿ ಬೊಕ್ಕ ನವೀಕರಣೊಗು ರಡ್ಡ್ ಕೋಟಿ, ಅಟಿಲ್‌ದ ಕಟ್ವಾನ ಮಲ್ಪರೆ 1.5 ಕೋಟಿ ಇಂಚಿನ ಕೆಲವಾರ್ ಅಭಿವೃದ್ದಿ ಬೇಲೆಲು ನಡಪರೆ ಉಲ್ಲ.