Last updated on October 20th, 2023 at 01:46 pm
ಈ ಸರ್ತಿ ಕರ್ನಾಟಕೊಡು ಬರ್ಸ ಕಮ್ಮಿ ಆತಿನೆರ್ದಾವರ ಕರೆಂಟ್‌ದ ಅಭಾವ ಉಂಡಾತ್ಂಡ್. ಆ ಲೆಕ್ಕೊಡು ರಾಜ್ಯ ಸರ್ಕಾರ ಲೋಡ್ ಶೆಡ್ಡಿಂಗ್ ಶಾಕ್ ಕೊರ್ನೆಕ್ ರೈತೆರ್ ಪಿಸಿರಾದ್ ವಿದ್ಯುತ್ ವಿತರಣಾ ಘಟಕೊದ ಕಾಂಪೌಂಡ್‌ದುಲಯಿ ಮೂದಲೆ ತಂದುಕನತ್ ಬುಡ್ತಿನ ನಡಕೆ ಬಿಜಾಪುರ ಜಿಲ್ಲೆದ ಕೊಲ್ಹಾರ ತಾಲೂಕ್‌ದ ರೋಣಿಹಾಳ್ ಗ್ರಾಮೊಡು ನಡತ್‌ದ್ಂಡ್.
ಪ್ರತಿಭಟನೆ ಮಲ್ತ್‌ದ್ ಪಾತೆರ್ನ ರೈತೆರ್, ಲೋಡ್ ಶೆಡ್ಡಿಂಗ್‌ರ್ದಾವರ ಎಂಕ್ಲ ಬಂಙೊಡು ಬೂರೊಂದಿತ್ತ್‌ದ್, ರಾತ್ರೆ ಕತ್ತಲೆಡ್ ಜಲಚರ ಪ್ರಾಣಿಲೆರ್ದ್ ಜೂವೊಗು ಸಂಚಿಕರ ಉಂಡು ಪಂದ್ ಪಂಡಲಾ ಅಧಿಕಾರಿಲು ಕೇನೊಂದಿಜ್ಜೆರ್. ರಾತ್ರೆ ಕರೆಂಟ್ ಕೊರ್ನ್ಡ ಎಂಕ್ಲ ದಾದ ಮನ್ಪುನು, ಎಂಕ್ಲೆನೆ ಸಮಸ್ಯೆ ಅಧಿಕಾರಿಲೆಗ್ ಗೊತ್ತಾವೊಡು ಪಂದ್ ಮುದಲೆ ಕನತ್‌ದ ಪಂದ್ ಪಂಡೆರ್.
ಕೋಡೆ ರಾತ್ರೆ ನೀರ್ ಬುಡೊಂದುಪ್ಪುನಗ ಕಂಡೊಡು ಮುದಲೆ ತೋಜಿದ್ ಬತ್ತ್‌ದ್, ಅವ್ವೇ ಮುದಲೆನ್ ಪತ್ತ್‌ದ್ ಟ್ರ್ಯಾಕ್ಟರ್‌ಡ್ ವಿದ್ಯುತ್ ವಿತರಣಾ ಕೇಂದ್ರೊಗು (ESCOM) ಕನತಿನ ರೈತೆರ್ ಪ್ರತಿಭಟನೆ ಮಲ್ತ್‌ದ್ ಆಕ್ರೋಶ ತೂಪಾಯೆರ್.
ಪ್ರತಿಭಟನೆದ ಜಾಗೆಗ್ ಕಡೆಕ್ ಅರಣ್ಯ ಇಲಾಖೆ ಅಧಿಕಾರಿಲು ಬತ್ತ್‌ದ್ ರೈತೆರೆನ್ ಸಮದಾನ ಮಲ್ತ್‌ದ್ ಮುದಲೆನ್ ಕೊಂಡೊದು ಪೋತೆರ್.