ಮಾಜಿ ಶಾಸಕೆ ವಸಂತ ಬಂಗೇರೆರೆಗ್ ಬೊಡ್ಚಾಂದಿನ ಪೆದಂಬು ನೆರ್ನ ಅಂಚೆನೆ ಜೀವಬೆದರಿಕೆದ ವಿಷಯೊಡು ರಾಕೇಶ್ ಶೆಟ್ಟಿನ ಮಿತ್ತ್ ಬೊಲ್ತೇರ್ ಸ್ಟೇಶನ್‌ಡ್ ಕೇಸ್

Last updated on October 21st, 2023 at 01:04 pm

ಬೊಲ್ತೇರ್: ಕಾರ್ಲದ ಕುಕ್ಕಂದೂರುಡು ಅಕ್ಟೋಬರ್ 15ತಾನಿ ನಡತಿನ ಧರ್ಮ ಸಂರಕ್ಷಣಾ ಸಮಾವೇಶೋಡು ಖಾಸಗಿ ವಾಹಿನಿದ ಮುಖ್ಯಸ್ಥೆ ರಾಕೇಶ್ ಶೆಟ್ಟಿ ಬೊಲ್ತೇರ್‌ದ ಮಾಜಿ ಶಾಸಕೆ ವಸಂತ ಬಂಗೇರೆರೆನ್ ಉದ್ದೇಶಿತ್‌ದ್ “ಲಫಂಗ, ನೀನು ಗಂಡಸಾ” ಪನ್ದ್ ಪೆದಂಬು ನೆರ್ದ್ ಜೀವ ಬೆದರಿಕೆ ಪಾಡ್ದೆರ್ ಪನ್ದ್ ಕಾರ್ಯಕ್ರಮೊಡು ಪಾಲ್‌ಗೆತೊಂದಿನ ವಸಂತ ಬಂಗೇರೆರೆನ ಅಭಿಮಾನಿಯೊರಿ ರಾಕೇಶ್ ಶೆಟ್ಟಿನ ಮಿತ್ತ್ ಬೊಲ್ತೇರ್ ಪೊಲೀಸೆರೆಗ್ ಒಯಿಲ್ ಕೊರ್ತೆರ್.

ಸಮಾವೇಶೊದ ಭಾಷಣೊಡು ರಾಕೇಶ್ ಶೆಟ್ಟಿ, ವಸಂತ ಬಂಗೇರೆರೆನ್ ಬೊರ್ಚಂದಿನ ಪೆದಂಬು ಪದೊಕ್ಲೆನ್ ಗಲಸ್‌ದ್ ನೆರ್ದ್, ಜೀವಬೆದರಿಕೆ ಪಾಡ್ದೆರ್ ಪಂದ್ ಆರೋಪಿತ್‌ದ್, ರಾಕೇಶ್ ಶೆಟ್ಟಿನ ಮಿತ್ತ್ ಬೋಡಾಪಿನ ಕಾನೂನು ಕ್ರಮ ಗೆತೊನೊಡು ಪಂಡ್‌ದ್ ಬಂಗೇರೆರೆನ ಅಭಿಮಾನಿಲು ಅಂಚೆನೇ ಪ್ರವೀಣ್ ಪನ್ಪಿನಾರ್ ಪೊಲೀಸೆರೆಗ್ ಒಯಿಲ್ ಕೊರ್ತೆರ್.