Last updated on October 23rd, 2023 at 12:54 pm
ಇಸ್ರೇಲ್-ಹಮಾಸ್ ಕೊಲಲದ ನಡುಟು ‘ಆಪರೇಷನ್ ಅಜಯ್’ ಕಾರ್ಯಾಚರಣೆಡ್ ಇಸ್ರೇಲ್‌ರ್ದ್ ಪಿದಡಿನ ಆಜನೇ ವಿಮಾನೊಡು ಇರ್ವೆರ್ ನೇಪಾಳ ಪ್ರಜೆಕುಲು ಸೇರ್ದ್ 143 ಜನ ಭಾರತೀಯೆರ್ ಅಪ್ಪೆನಾಡ್‌ಗ್ ಬತ್ತ್ ಜತ್ತ್‌ದೆರ್.
ಇರ್ವೆರ್ ನೇಪಾಳ ಪ್ರಜೆಕುಲು ಬೊಕ್ಕ ನಾಲ್ವೆರ್ ಜೋಕುಲು ಸೇರ್ದ್ 143 ಜನ ವಿಮಾನೊಡಿತ್ತ್‌ದ್, ದೆಹಲಿಗ್ ಬತ್ತ್ ಜತ್ತಿನೇ ಪ್ರಯಾಣಿಕೆರೆನ್ ಕೇಂದ್ರ ಸಚಿವೆ ಫಗ್ಗನ್ ಕುಲಸ್ತೆ ಎದುಕೊಂಡೆರ್.
ಅಕ್ಟೋಬರ್ 7 ತಾನಿ, ಹಮಾಸ್ ಉಗ್ರಗಾಮಿಲು ಇಸ್ರೇಲ್‌ದ ಮಿತ್ತ್ ದಾಳಿ ಮಲ್ತಿತ್ತ್‌ದ್, ಇಸ್ರೇಲ್ ಪ್ರತಿದಾಳಿ ಮಲ್ತಿತ್ತ್ಂಡ್. ಈ ಕೊಲಲ ಬಾರೀ ಜೋರಾವೊಂದಿತ್ತಿಲೆಕನೆ , ಭಾರತ ಸರ್ಕಾರ ತನ್ನ ನಾಗರಿಕೆರೆನ್ ಪಿರ ಲೆತೊಂದು ಬರ್ಯೆರ ಅಕ್ಟೋಬರ್ 12 ತಾನಿ ‘ಆಪರೇಷನ್ ಅಜಯ್’ ಸುರು ಮಲ್ತಿತ್ತ್ಂಡ್.