Last updated on November 5th, 2023 at 07:26 pm
ಭಾರತದ ಪೆರ್ಮೆದ ಬಾಹ್ಯಾಕಾಶ ವಿಜ್ಞಾನ ಸಂಸ್ಥೆ ಇಸ್ರೋದ ಸಾದಗೊಲೆನ ಪೊಲಬು ಕೊರ್ಪುನ “ಸ್ಪೇಸ್ ಆನ್ ವೀಲ್” ಮೊಬೈಲ್ ಬಸ್ ನವೆಂಬರ್7 ರ್ದ್ 9 ಮುಟ್ಟ ಸೌತ್ ಕೆನರಾ ಜಿಲ್ಲೆಡ್ ತಿರ್ಗೆರಗಿತ್ತ್‌ದ್, ನ. 9 ದಾನಿ ಸುಳ್ಯಗ್ ಬತ್ತ್‌ದ್ ಸುಳ್ಯದ ಜೂನಿಯರ್ ಕಾಲೇಜಿದ (ಸರಕಾರಿ ಪದವಿ ಪೂರ್ವ ಕಾಲೇಜು) ಮೈದಾನೊಡು ಕಾಂಡೆ 9.30 ರ್ದ್ ಬಯ್ಯಡ್ 4 ಗಂಟೆ ಮುಟ್ಟ ಜೋಕುಲೆಗ್ ಅಂಚೆನೇ ಸಾರ್ವಜನಿಕೆರೆಗ್ ವೀಕ್ಷಣೆಗ್ ಇಪ್ಪೆರಗುಂಡು.
ಜಿಲ್ಲೆದ ವಿಜ್ಞಾನ ಪ್ರತಿಷ್ಠಾನ ಬೊಕ್ಕ ಕರ್ನಾಟಕ ರಾಜ್ಯ ವೈಜ್ಞಾನಿಕ ಸಂಶೋಧನಾ ಪರಿಷತ್ತ್‌ದ ಜಿಲ್ಲಾ ಘಟಕೊದ ಕಡೆರ್ದ್ ಪ್ರೌಢ ಶಾಲೆದ ಜೋಕುಲೆಡ ವೈಜ್ಞಾನಿಕ ಬೊಕ್ಕ ಬಾಹ್ಯಾಕಾಶ ವಿಷಯೊಲೆಡ್ ಆಸಕ್ತಿ ಪುಟ್ಟಾಯೆರ ಈ ಕಾರ್ಯಕ್ರಮೊದ ಅಟ್ಟನೆ ಮಲ್ತಿತ್ತ್‌ದ್, ಉ್ಂದೆಟ್ ಚಂದ್ರಯಾನ-1, ಮಂಗಳಯಾನ, ರಾಕೆಟ್ ಉಡ್ಡಯನ ಕೇಂದ್ರ, ಸಂವಹನ ಉಪಗ್ರಹ, ಆರ್ಯಭಟ, ಭಾಸ್ಕರ ಇಂಚಿನ ದುಂಬುದ ಉಪಗ್ರಹೊಲೆನ ಮಾಡೆಲ್‌ಲು, ಅಂಚೆನೇ ನನ ದುಂಬದ ಬಾಹ್ಯಾಕಾಶ ಯೋಜನೆ ಗಗನ್ ಯಾನ್ 2024ದ ಮಾಡೆಲ್‌ದ ಒಟ್ಟುಗು ನನಲಾತ್ ಬಾಹ್ಯಾಕಾಶ ಯೋಜನೆಲೆನ ಮಾಡೆಲ್‌ಲು ತೂಯೆರ ತಿಕ್ಕುವ. ತಾಲೂಕ್‌ದ ಮಾತಾ ಪ್ರೌಢಶಾಲೆಲೆನ ಜೋಕುಲು ಅಂಚೆನೆ ಸಾರ್ವಜನಿಕೆರ್ ಉ್ಂದೆನ್ ಎಡ್ಡೇನ ರಿತಿಟ್ ಗಲಸೊನೊಡು ಪಂದ್ ಕರ್ನಾಟಕ ರಾಜ್ಯ ವೈಜ್ಞಾನಿಕ ಸಂಶೋಧನಾ ಪರಿಷತ್ತ್‌ದ ಜಿಲ್ಲಾ ಘಟಕೊದ ಉಪಾಧ್ಯಕ್ಷೆದಿ ಡಾ. ಅನುರಾಧಾ ಕುರುಂಜಿ ಮೇರ್ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.