Last updated on November 8th, 2023 at 12:56 pm
ಕಾಡೆರ್ಮೆ ಒಂಜಿ ಉಚ್ಚಿಲದಲ್ಪ ಚರಂಡಿಗ್ ಬೂರ್ದ್ ತುಲ್ಲಾರೊಂದಿತ್ತಿನೆನ್ ರಕ್ಷಣೆ ಮಲ್ತಿನ ನಡಕೆ ಉಚ್ಚಿಲಡ್ ನಡದ್ಂಡ್.
ಸುಮಾರ್ ಆಜಿ ವರ್ಸ ಪಿರಯದ ಕಾಡೆರ್ಮೆ ಒಂಜಿ ಸೋಮಾರ ರಾತ್ರೆ ಮಹಾಲಕ್ಷ್ಮಿ ದೇಲಂತಡೆದಲ್ಪದ ಚರಂಡಿದ ಗುಂಡಿಗ್ ಬೂರ್ದು ಪಿದಯಿ ಬರ್ರೆ ಆವಂದೆ ತುಲ್ಲಾರೊಂದಿತ್ತ್ಂಡ್. ಅವೆನ್ ತೂದು ದೇಲಂತಡೆತ ಸಿಬ್ಬಂದಿಲು ಅರಣ್ಯ ಇಲಾಖೆಗ್ ಒಲವು ಕೊರಿಯೆರ್. ಅಕುಲು ಅಂಗಾರೆ ಕಾಂಡೆ ಜಾಗೆಗ್ ಬತ್ತ್ ತೂದು ರಾತ್ರೆ ಕಾಡೆರ್ಮೆನ್ ಮಿತ್ತ್ ದೆರ್ಪುನ ಕಜ್ಜ ಸುರು ಮಲ್ತೆರ್. ಕಾಡೆರ್ಮೆ ಪತ್ತ ಬೊಲ್ಚಿದ್ ಇತ್ತ್ಂಡ್, ಅಂಚಾದ್ ಪಗೆಲ್ ಡ್ ಕಾರ್ಯಾಚರಣೆ ಮಲ್ತ್ಂಡ ಜನಕುಲೆಗ್ ಸಮಸ್ಯೆ ಆವು ಪನ್ದ್ ರಾತ್ರೆ ಮಿತ್ತ್ ದೆರ್ಪುನ ಕಜ್ಜ ನಡತ್ಂಡ್. ಜೆಸಿಬಿರ್ದ್ ಗುಂಡಿದ ಸುತ್ತದ ಮಣ್ಣ್ ದೆತ್ತ್ ಎರ್ಮೆ ಮಿತ್ತ್ ಬರ್ಪಿಲೆಕ್ಕ ಮಲ್ತ್ಂಡ್.