ಕುಡ್ಲ-ಬೆಂಗ್ಳೂರು ಹೈಸ್ಪೀಡ್ ಕಾರಿಡಾರ್ ಬಗೆಟ್ ಸರ್ಕಾರೊಡು ಚರ್ಚೆ

Last updated on November 10th, 2023 at 11:25 am

ಬೆಂಗಳೂರು: ಕುಡ್ಲ-ಬೆಂಗ್ಳೂರು ನಡುಟು ಇಂಟಿಗ್ರೇಟೆಡ್ ಗ್ರೀನ್ ಫೀಲ್ಡ್ ಹೈ ಸ್ಪೀಡ್ ಕಾರಿಡಾರ್ ಉಂಡಾಪಿನವು ಕುಡ್ಲ ಬೊಕ್ಕ ಈ ತಾದಿಡೆ ಬರ್ಪಿನ ಮಾತಾ ಪೇಂಟೆಲೆನ ಬುಲೆಚ್ಚಿಲ್‌ಗ್ ಪೂರಕ ಆವರೆ ಉಂಡು ಪಂದ್ ಸಚಿವೆ ದಿನೇಶ್ ಗುಂಡೂರಾವ್ ಪಂಡೆರ್.

ಜಿಲ್ಲಾ ಉಸ್ತುವಾರಿ ಸಚಿವರ್ಲಾ ಆದುಪ್ಪುನ ದಿನೇಶ್ ಗುಂಡೂರಾವ್, ಯೋಜನೆಯ ಸಲಹಾ ಬೊಕ್ಕ ಫೆಸಿಲಿಟೇಷನ್ ಸಂಸ್ಥೆ ಯುರೋಪಿಯನ್ ಉದ್ಯಮ ಬೊಕ್ಕ ತಂತ್ರಜ್ಞಾನ ಕೇಂದ್ರ (ಇಬಿಟಿಸಿ) ದ ಉನ್ನತಮಟ್ಟೊದ ಅಧಿಕಾರಿಲೆನೊಟ್ಟುಗು ಇನಯ ಮಲ್ತಿ ಬೊಕ್ಕ ಸಚಿವೆರ್ ಪಾತೆರ್ಯೆರ್. ಈ ಪೊರ್ತುಡು ಒಡಿಪು ಜಿಲ್ಲಾ ಉಸ್ತುವಾರಿ ಸಚಿವೆದಿ ಲಕ್ಷ್ಮಿ ಹೆಬ್ಬಾಳ್ಕರ್‌ಲಾ ಒಟ್ಟುಗಿತ್ತೆರ್.

ಇಂಟಿಗ್ರೇಟೆಡ್ ಗ್ರೀನ್ ಫೀಲ್ಡ್ ಹೈ ಸ್ಪೀಡ್ ಕಾರಿಡಾರ್ ಯೋಜನೆಡ್ ಕುಡ್ಲ-ಬೆಂಗ್ಳೂರು ನಡುಟೂ 6-8 ಲೇನ್‌ದ ಹೈಸ್ಪೀಡ್ ಕಾರಿಡಾರ್ ಮನ್ಪುನ ಪ್ರಸ್ತಾವನೆ ಉಂಡು.

ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಖಾತೆಲುಲಾ ಇಪ್ಪುನ ದಿನೇಶ್ ಗುಂಡೂರಾವ್, ಕಾರಿಡಾರ್ ಮಾರ್ಗ ನಚ್ಚೆನ್ ಎಚ್ಚಿನ ಒಲವುದೊಟ್ಟುಗು ಚರ್ಚೆ ಮನ್ಪೊಡು. ಈ ಬಗೆಟ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ ಅಂಚೆನೇ ಲೋಕೋಪಯೋಗಿ ಸಚಿವೆ ಸತೀಶ ಜಾರಕಿಹೊಳಿ ಮೊಕಲ್ನೊಟ್ಟು ಪಾತೆರುವೆ ಪಕದ್ ಇನಯೊಡು ಪಾತೆರ ಕೊರ್ಯೆರ್.