ಒಡಿಪುದ ಮಾಜಿ ಶಾಸಕೆ ರಘುಪತಿ ಭಟ್ರೆನ ಬೊಡೆದಿನ ಆತ್ಮಹತ್ಯೆ ಕೇಸ್, ಆರೋಪಿ ಅತುಲ್ ರಾವ್‌ಗ್ ಶಿಕ್ಷೆ, ಪದಿನೈನ್ ವರ್ಸ ಸೈಸೊನಿನ ಹಿಂಸೆಗ್ ಮುಕ್ತಿ ಪನ್ಡಿನ ಭಟ್ರ್

Last updated on November 11th, 2023 at 08:49 am

15 ವರ್ಸದ ದುಂಬು ನಡತಿನ ಒಡಿಪುದ ಮಾಜಿ ಶಾಸಕೆ ರಘುಪತಿ ಭಟ್ರೆನ ಬೊಡೆದಿ ಪದ್ಮಪ್ರಿಯಾ ನಾಪತ್ತೆ ಬೊಕ್ಕ ಆತ್ಮಹತ್ಯೆ ಪ್ರಕರಣೊಡು ಮೋಸ, ವಂಚನೆ ಅಂಚೆನೆ ನಕಲಿ ದಾಖಲೆ ಸೃಷ್ಟಿ ಮಲ್ತಿನ ವಿಷಯೊಡು ಆರೋಪಿ ಅತುಲ್ ರಾವ್ ಗ್ 1 ವರ್ಸ ಜೈಲ್ ಶಿಕ್ಷೆ ಕೊರ್ದು ಒಡಿಪು ಜಿಲ್ಲಾ ನ್ಯಾಯಾಲಯ ಆದೇಶ ಕೊರ್ತುಂಡು.

ರಘುಪತಿ ಭಟ್ರ್ ಕೊರ್ತಿನ ಒಯಿಲ್ ದ ಹಿನ್ನೆಲೆಡ್ ಪದ್ಮಪ್ರಿಯಾ ಅಪಹರಣ ಬೊಕ್ಕ ಆತ್ಮಹತ್ಯೆ ಪ್ರಚೋದನೆತ ಬಗೆಟ್ ಸರಿಯಾಯಿನ ದಾಖಲೆ ದಾಂತಿನೆರ್ದಾವರ ಸಿಒಡಿ ಅಧಿಕಾರಿಲು ಕೈ ಬುಡ್ದಿತ್ತೆರ್. ಇತ್ತೆ ಪ್ರಕರಣದ ವಿಚಾರಣೆ ಮಲ್ತಿನ ಒಡಿಪು ಸಿಜೆಎಂ ನ್ಯಾಯಂತಡೆತ ನ್ಯಾಯಾದೀಶೆರಾಯಿನ ಯೋಗೇಶ್ ಮೇರ್ ಆರೋಪಿನ ಮಿತ್ತ್ ದ ಆರೋಪೊಲು ಸಾಬೀತಾತ್ಂಡ್ ಪನ್ದ್ ಐಪಿಸಿ 468 ಕಾಯ್ದೆದ ಅಡಿಟ್ 1 ವರ್ಸ ಜೈಲ್ ಬೊಕ್ಕ 5000 ದಂಡ ಪಾಡ್ದೆರ್.

ಈ ಬಗೆಟ್ ಟ್ವೀಟ್ ಮಲ್ದಿನ ರಘುಪತಿ ಭಟ್ರ್, ಪದಿನೈನ್ ವರ್ಸ ಕಾಲ ಸೈಸೊನಿನ ಹಿಂಸೆಗ್ ಮುಕ್ತಿ ತಿಕ್ಕ್‌ದ್ಂಡ್, ಈ ತೀರ್ಪು ಬತ್ತಿನ ಇನಿತ ದಿನ ಎಂಕ್ ಬಾರೀ ಕುಸಿತ ದಿನ. ಎನ್ನ ರಾಜಕೀಯ ಬದ್ಕ್ ಮುಗಿಪರೆ ಎನ್ನ ಒಟ್ಟುಗಿತ್ತಿನಕುಲೇ ಮಲ್ದಿನ ಈ ವಂಚನೆನ್ ನ್ಯಾಯಾಲಯ ತೂದು ತೀರ್ಪು ಕೊರ್ತುಂಡು ಪನ್ದ್ ಪನ್ತೆರ್.