Last updated on November 16th, 2023 at 02:57 pm
ಪೊಣ್ಣು ಜೋಕುಲೆನ ಮಿತ್ತ್‌ದ ಅತ್ಯಾಚಾರೊದ ಪೋಕ್ಸೋ ಪ್ರಕರಣೊಡು ಕರಿನ 14 ತಿಂಗೊಲೂರ್ದು ಕರ್ಪಿಲ್ಲ್‌ಡಿತ್ತಿನ ಚಿತ್ರದುರ್ಗ ಮುರುಘಾ ಮಠೊತ ಶಿವ ಶರಣೆರ್ ಜಾಮೀನ್‌ದ ಮಿತ್ತ್ ಇನಿ ಬುಡುಗಡೆ ಆತೆರ್.
ಒಂಜಿ ಪ್ರಕರಣೊಡು ದುಂಬೇ ಜಾಮೀನ್ ತಿಕ್ಕ್‌ದಿತ್ತ್‌ದ್, ಬಾಡಿ ವಾರೆಂಟ್ ಇತ್ತಿನ ಕುಡೊಂಜಿ ಪ್ರಕರಣೊಡ್ಲಾ ಜಾಮೀನ್ ತಿಕ್ಕ್‌ದ್ ಇನಿ ಕರ್ಪಿಲ್ಲ್‌ರ್ದ್ ಪಿದಯಿ ಬೈದೆರ್.
ಇನಿ ಕಾಂಡೆ ಮುರುಘಾ ಸ್ವಾಮಿನ ಪರ ವಕೀಲೆರ್ ನ್ಯಾಯಾಧೀಶೆರೆನ ಎದುರು ಬುಡುಗಡೆಗ್ ಬಿನ್ನಪು ದೀದಿತ್ತ್‌ದ್, ಆ ಆಧಾರೊಡು ಬುಡುಗಡೆ ಮಲ್ದೆರ್.
ಮುರುಘಾ ಮಠೊಕು ಪೋವರೆ ಬಲ್ಲಿ ಪಂದ್ ನ್ಯಾಯಂತಡೆ ಷರತ್ತ್ ಪಾಡ್ದಿನೆರ್ದಾವರ ಶಿವಮೂರ್ತಿ ಶರಣೆರ್ ದಾವಣಗೆರೆತಂಚಿ ಪೋತೆರ್ ಪಂದ್ ವರದಿ ಆತ್ಂಡ್.
ನ್ಯಾಯಂತಡೆ ಪಾಡ್ದಿನ ಷರತ್ತ್‌ಲ್ ದಾದ?
▪️ಜಾಮೀನ್ ತಿಕ್ಕೆರ ದುಂಬು ಇರ್ವೆರೆನ ಶ್ಯೂರಿಟಿ ಕೊರೊಡು.
▪️2 ಲಕ್ಷ ರೂಪಾಯಿ ಮೌಲ್ಯೊದ ಬೇಲ್ ಬಾಂಡ್ ಕೊರೊಡು.
▪️ ನ್ಯಾಯಂತಡೆ ವಿಚಾರಣೆಗ್ ವಿಡಿಯೋ ಕಾನ್ಸರೆನ್ಸ್‌ಡ್ ಹಾಜಿರಾವೊಡು.
▪️ಒವ್ವೇ ನೆವನೊಡು ಪುರಾಪು ನಾಶ ಮನ್ಪೆರ ಬಲ್ಲಿ.
▪️ಚಿತ್ರದುರ್ಗೊದ ಮುರುಘಾ ಮಠೊಕು ಪೋವರೆ ಬಲ್ಲಿ.
▪️ಮುರುಘಾ ಮಠೊತ ಆಡಳಿತಾಧಿಕಾರಿ ಆಡಳಿತೊಗು ತರೆ ಪಾಡ್ರೆ ಬಲ್ಲಿ.
▪️ಪಿದಯೂರುಗು ಪೋವರೆ ಬಲ್ಲಿ.
▪️ಪಾಸ್‌ಪೋರ್ಟ್ ಸರೆಂಡರ್ ಮಲ್ಪೊಡು.
▪️ಇಂಚಿನ ಬೇತೆ ಅಪರಾಧ ಮನ್ಪೆರೆ ಬಲ್ಲಿ.