Last updated on November 20th, 2023 at 06:48 pm
ಕುಡ್ಲ: ಬೆಂಗ್ಳೂರ್‌ಡ್ ಬರೆಯೊಡಿತ್ತಿನ ನ್ಯಾಯಾಂಗ ಸೇವೆದ ಪರೀಕ್ಷೆನ್ ದಿಂಜಿ ಬಂಜಿನಾರ್ ಒರ್ತಿ ಕುಡ್ಲಡೇ ಬರೆಯಿನ ಅಪರೂಪೊದ ನಡಕೆ ನಡತ್‌ದ್ಂಡ್.
ಬೆಂಗ್ಳೂರ್‌ಡ್ ಅಟ್ಟನೆ ಆದಿತ್ತಿನ ನ್ಯಾಯಾಂಗ ಸೇವೆದ ಪರೀಕ್ಷೆಗ್ ಕುಡ್ಲದ ನ್ಯಾಯವಾದಿ ನೇತ್ರಾವತಿ ಅಜತ್ ಬತ್ತಿತ್ತೆರ್.
ಎಣ್ಮರೆ ತಿಂಗೊಲ್ದ ದಿಂಜಿ ಬಂಜಿನಾಲ್ ನ್ಯಾಯವಾದಿ ನೇತ್ರಾವತಿ ಎಂಕ್ ಬೆಂಗ್ಳೂರ್‌ಗ್ ಪೋದು ಪರೀಕ್ಷೆ ಬರೆಯೆರ ಸಾಧ್ಯ ಇಜ್ಜಿ. ಅಂಚಾದ್ ಕುಡ್ಲಡೇ ಪರೀಕ್ಷೆ ಬರೆಯೆರೆ ಅನುವು ಮಲ್ತ್ ಕೊರೊಡು ಪಂದ್ ನೇತ್ರಾವತಿ ಹೈಕೋರ್ಟ್‌ಗ್ ಬಿನ್ನಪು ಸಂದಾದಿತ್ತೆರ್. ಸಿವಿಲ್ ನ್ಯಾಯಾಧೀಶೆರೆನ ನೇಮಕಾತಿ ಸಂಬಂಧಿತಿನ ಹೈಕೋರ್ಟ್‌ದ ಸಮಿತಿ ಈ ಅರ್ಜಿನ್ ಪುರಸ್ಕರಿತ್‌ದ್ ಅಭ್ಯರ್ಥಿನ ಬಿನ್ನಪುದಂಚ ಕುಡ್ಲಡೇ ಪರೀಕ್ಷೆ ಬರೆಯೆರ ಅನುವು ಕೊರ್ದಿತ್ತ್ಂಡ್.
ರಾಜ್ಯ ಹೈಕೋರ್ಟ್‌ದ ವಿಶೇಷ ಅನುವುಡು ನೇತ್ರಾವತಿ ನ್ಯಾಯಾಂಗ ಸೇವೆದ ಮುಖ್ಯ ಪರೀಕ್ಷೆನ್ ಕುಡ್ಲ ನ್ಯಾಯಂತಡೆದ ಕಟ್ವಾನೊಡು ಸನಿಯಾರ ಬೊಕ್ಕ ಐತಾರ ಪರೀಕ್ಷೆ ಬರೆತೆರ್.
ಎಚ್ಚರ್ಗೆದ ಕ್ರಮ ಆದ್ ನ್ಯಾಯಂತಡೆತಲ್ಪ ಆ್ಯಂಬುಲೆನ್ಸ್‌ನ್ಲಾ ರೆಡಿ ದೀದಿತ್ತೆರ್.