Last updated on November 21st, 2023 at 03:26 pm
ತುಮಕೂರು: ಲಡಯಿ ಉಂತಾಯೆರ ಬತ್ತಿನ ಪೊಲೀಸೆರೆನ 112 ಗಾಡಿದ ಒಟ್ಟುಗು ಪದ್ರಿಡಾಯಿನ ಚಾಲಿಪೋಲಿನ್ ಸಿನಿಮೀಯ ರೀತಿಡ್ ಪೊಲೀಸೆರ್ ಪತ್ತಿನ ನಡಕೆ ತುಮಕೂರು ಜಿಲ್ಲೆದ ಗುಬ್ಬಿ ತಾಲೂಕ್‌ದ ನಾರಾನಹಳ್ಳಿಡ್ ನಡತ್‌ದ್ಂಡ್.
ನವೆಂಬರ್ 20 ದ ರಾತ್ರೆ ಮುನಿಯೆ ಪನ್ಪಿನಾಯೆ ತನ್ನ ಪಲಯನೊಟ್ಟುಗು ಲಡಯಿ ಮಲ್ತೊಂದೆ. ಅಪಗ ಮುನಿಯನ ಪಲಯೆ 112 ಸಂಖ್ಯೆಗ್ ಕಾಲ್ ಮಲ್ತ್‌ದೆ, ಆ ಪ್ರಕಾರ ಪೋಲಿಸೆರೆನ 112 ಗಾಡಿ ನಡಕೆದ ಜಾಗೆಗ್ ಬೈದ್ಂಡ್.
ಈ ಪೊರ್ತುಡು ಮುನಿಯೆ 112 ಗಾಡಿದ ಪಿರವು ಕಲ್ಲ್ ದಕ್ಕ್‌ದೆ. ಗಾಡಿದ ಡ್ರೈವರ್ ದಾದ ಆಂಡ್ಂದ್ ತೂವರೆ ಗಾಡಿದ ಪಿರವು ಪೋತೆರ್. ಆ ಪೊರ್ತುಡು ಮುನಿಯೆ ಪೊಲೀಸೆರೆನ 122 ಗಾಡಿನ್ ಬುಡೊಂದು ಅಲ್ತ್ ಪದ್ರಾಡಾತೆ.
ಬೊಕ್ಕ ಪೊಲೀಸೆರ್ ಸುಮಾರ್ 3 ಗಂಟೆದಾತ್ ಪೊರ್ತು ಗಾಡಿ ನಾಡುನ ಕಾರ್ಯಾಚರಣೆ ಮಲ್ತ್‌ದ್, ಕಡೆಕ್ ತುಮಕೂರು ತಾಲೂಕ್‌ದ ಹೆಬ್ಬೂರುದಲ್ಪ ಗಾಡಿ ತಿಕ್ಕ್‌ದ್ಂಡ್. ಆರೋಪಿ ಮುನಿಯನ್ ಪೋಲೀಸೆರ್ ವಶೊಕು ಗೆತೊಂದೆರ್.