Last updated on November 22nd, 2023 at 08:50 am
ನೇಜಾರ್‌ಡ್ ನಡತಿನ ಮರ್ಡರ್ ಕೇಸ್‌ದ ಆರೋಪಿ ಪ್ರವೀಣ್ ಚೌಗಲೆ ಮೆರೆನ ಮಹಜರ್ 98% ಕಂಪ್ಲೀಟ್ ಆತ್ಂಡ್. ಪೋಲೀಸೆರ್ ಆಯನ್ ನವೆಂಬರ್ 28 ಮುಟ್ಟ ಕಸ್ಟಡಿಗ್ ದೆತೊಂದೆರ್, ಜಡ್ತೆ ಆಯಿನಾತ್ ಕಂಪ್ಲೀಟ್ ಆಯಿನೆರ್ದಾವರ ಆ ದಿನೊರ್ದು ದುಂಬೇ ಆಯನ್ ಕೋರ್ಟುಗು ಕೊನೊಪಿನ ಸಾಧ್ಯತೆ ಉಂಡು.
ನೇಜಾರ್‌ಡ್ ಕೆರ್ದ್ ಆರೋಪಿ ಬೇತೆಕಲೆನ ಬೈಕ್‌ಡ್ ಸಂತೆಕಟ್ಟೆ, ಕರಾವಳಿ ಬೈಪಾಸ್ ಮಾರ್ಗೊಡು ಪೆಜಮಾಡಿ ಟೋಲ್ ಗೇಟ್ ಎತ್ತ್‌ದೆ. ಅಲ್ತ್‌ರ್ದ್ ಎಂಜಿ ಹೆಕ್ಟರ್ ಕಾರ್‌ಡ್ ಬಪ್ಪನಾಡ್ ಕೈತಲ್‌ದ ಪಾಲ್ ಬೂರ್ದಿನ ಕಟ್ವಾನೊಗು ಪೋದು ನೆತ್ತೆರ್ ಆತಿನ ಕುಂಟುಲೆನ್ ಅಲ್ಪನೇ ಪೊತ್ತಾದ್ ಪಾಡ್ದೆ. ಮಹಜರ್ ಮಲ್ಪುನಗ ಈ ವಿಷಯೊನು ಪೋಲೀಸೆರೆಗ್ ತೆರಿಪಾದೆ, ಕುಂಟುದ ತುಂಡುಲು ಪೋಲೀಸೆರೆಗ್ ತಿಕ್ಕ್‌ದ್ಂಡ್. ಮುಲ್ಕಿರ್ದ್ ಸೀದಾ ಕುಡ್ಲಗ್ ಪೋತೆ ಪನ್ದ್ ತೆರಿದ್ ಬೈದ್ಂಡ್.