ಅಧಿಕಾರೊಗು ಬತ್ತಿನ ಆಜೇ ತಿಂಗೊಲುಡು ಜನಪ್ರಿಯತೆ ಕಳೆಯೊಂಡಿನ ಕಾಂಗ್ರೇಸ್ ಸರಕಾರ : ವಿಜಯೇಂದ್ರೆರ್

Last updated on November 22nd, 2023 at 07:11 pm

ಕುಡ್ಲ : ಅಧಿಕಾರೊಗು ಬತ್ತಿನ ಆಜೇ ತಿಂಗೊಲುಡು ಜನಪ್ರಿಯತೆ ಕಳೆಯೊಂಡಿನ ಸರಕಾರ ಮಿನಿ ಇತ್ತ್ಂಡ ಅವ್ ಕಾಂಗ್ರೇಸ್ ದ ಪನ್ದ್ ಕರ್ನಾಟಕ ಬಿಜೆಪಿದ ಪೊಸ ಅಧ್ಯಕ್ಷೆರಾಯಿನ ವಿಜಯೇಂದ್ರೆರ್ ವ್ಯಂಗ್ಯ ಮಲ್ತೆರ್.

ಬಿಜೆಪಿದ ಅಧ್ಯಕ್ಷೆ ಆಯಿಬೊಕ್ಕ ಸುರುತ ಸಲ ಕುಡ್ಲಗ್ ಬತ್ತಿನ ವಿಜಯೇಂದ್ರೆರೆಗ್ ಆಪಲ್ದ ಮಾಲೆ ಪಾಡ್ದ್ ಗರ್ದ್ ಡ್ ಸ್ವಾಗತ ಮಲ್ತೆರ್. ಈ ಪೊರ್ತುಡು ಪಾತೆರಿನ ಮೇರ್ ಕಾಂಗ್ರೇಸ್ ಸರಕಾರದ ಮಿತ್ತ್ ವಾಕ್ದಾಳಿ ಮಲ್ತೆರ್. ಜನಕ್ಲು ನೀರ್ ದಾಂತೆ ಮಂಡೆಬೆಚ್ಚೊಡು ಉಪ್ಪುನಗ ಸಿಎಂ ಕೋಟಿ ಕೋಟಿ ಕರ್ಚಿ ಮಲ್ತ್ ಸಚಿವೆರೆಗ್ ಪೊಸ ಕಾರ್ ದೆತ್ತ್ ಕೊರ್ಪೆರ್. ಎಂಕ್ಲೆನ ಸರಕಾರ ಉಪ್ಪುನಗ ಅರೆಗಲೊಡ್ಲಾ ಕರೆಂಟ್ ಎಡ್ಡೆಡ್ ಇತ್ತ್ಂಡ್, ಉಂದು ಇತ್ತೆನೇ ಕರೆಂಟ್ ದ ಪರಿಸ್ಥಿತಿ ತೆಟ್ಟ್ ದ್ಂಡ್ ಪನ್ದ್ ಪನ್ಡೆರ್. ಈ ಬಗೆಟ್ ಬಿಜೆಪಿ ಸದನದ ಪಿದಯಿ ಅಂಚೆನೆ ಸದನದ ಉಲಯಿ ಪೊರುಂಬಾಟ ಮಲ್ಪುಂಡು ಪನ್ದ್ ಪನ್ಡೆರ್.