ಜಮ್ಮು ಕಾಶ್ಮೀರೊಡು ಉಗ್ರೆರ್ನ ಒಟ್ಟುಗು ಗುಂಡುದ ಕೊಲಲ, ನಾಲ್ವೆರ್ ಹುತಾತ್ಮೆರಾಯೆರ್

Last updated on November 23rd, 2023 at 09:18 am

ಜಮ್ಮು ಕಾಶ್ಮೀರದ ರಜೌರಿಡ್ ಬುದಾರ ಉಗ್ರೆರ್ನ ಒಟ್ಟುಗು ನಡತಿನ ಗುಂಡುದ ಚಕಮಕಿಡ್ ಸೇನೆದ ರಡ್ಡ್ ಕ್ಯಾಪ್ಟನ್ ನಕುಲು ಬೊಕ್ಕ ರಡ್ಡ್ ಯೋಧೆರ್ ಹುತಾತ್ಮೆರಾಯೆರ್. ಮೇಜರ್ ಬೊಕ್ಕ ನನೊರಿ ಯೋಧೆ ಗಡಿಕುಲಾದ್ ಅಕಲೆನ್ ಉಧಂಪುರ ಕಮಾಂಡ್ ಆಸ್ಪತ್ರೆಗ್ ಕೊನೊತೆರ್.

ರಜೌರಿದ ಬಜಿಮಾಲ್ ಪನ್ಪಿನಲ್ಪ ಕಾಡ್ ಜಾಗೆಡ್ ಉಗ್ರೆರ್ ಉಲ್ಲೆರ್ ಪನ್ಪಿನ ವಿಷಯ ತೆರಿನೇ ಸೇನೆ ಬೊಕ್ಕ ಪೊಲೀಸೆರ್ ಒಟ್ಟುಗು ನಾಡರೆ ಸುರು ಮಲ್ತೆರ್. ಆ ಪೊರ್ತುಡು ಉಗ್ರೆ ಒರಾನೆ ಶೂಟ್ ಮಲ್ಪರೆ ಸುರು ಮಲ್ತ್ ರಡ್ಡ್ ಸೇನಾಧಿಕಾರಿಲೆನ್ ಬೊಕ್ಕ ರಡ್ಡ್ ಯೋಧೆರೆನ್ ಶೂಟ್ ಮಲ್ತೆ, ಯೋಧನ ಪಿರದಾಳಿಡ್ ಉಗ್ರಗ್ಲಾ ಗಾತಿದ ಗಡಿಕುಲಾತುಂಡು ಪನ್ದ್ ತೆರಿದ್ ಬೈದ್ಂಡ್.

ಉಗ್ರೆರ್ನ ಒಟ್ಟುಗು ಪೊರುಂಬುದು ಹುತಾತ್ಮೆ ಆಯಿನ ಕ್ಯಾಪ್ಟನ್ ಎಂ.ವಿ ಪ್ರಾಂಜಲ್(29) ಮೆರೆಗ್ ತುಳುನಾಡ್ ದೊಟ್ಟುಗು ಸಂಬಂದ ಉಂಡು. ಪ್ರಾಂಜಲ್ ಮೇರ್ 10ನೇ ಮುಟ್ಟ ಎಂಆರ್‌ಪಿಎಲ್ ದ ಕೈತಲ್ ದ ದೆಲ್ಲಿ ಪಬ್ಲಿಕ್ ಸ್ಕೂಲ್ ಡ್ ಕಲ್ದಿನಿ.