ನಿತ್ಯಾನಂದನ ಒಟ್ಟುಗು ಪೆರುಗ್ವೆದ ಅಧಿಕಾರಿ ಒಪ್ಪಂದ : ಬೇಲೆರ್ದ್ ದೆತ್ತ್ ದಕ್ಕಿನ ಸರಕಾರ

Last updated on December 2nd, 2023 at 10:34 am

ಭಾರತ ಬುಡ್ದ್ ಪದ್ರಾಡ್ ಆತಿನ ಬಿಡದಿದ ನಿತ್ಯಾನಂದ ಪನ್ಪಿನಾರ್ ಸ್ವಘೋಷಿತ ದೇಶ “ಕೈಲಾಸ” ಕಟ್ಟ್‌ದೆರ್. ಇತ್ತೆ ಆ ಕೈಲಾಸದೊಟ್ಟುಗು ಸಹಕಾರ ಒಪ್ಪಂದ ಮಲ್ತಿನ ಪೆರುಗ್ವೆದ ಪೆರಿಯ ಅಧಿಕಾರಿಗ್ ಸರಕಾರ ಗೇಟ್‌ಪಾಸ್ ಕೊರ್ತುಂಡು.

ಅಸ್ತಿತ್ವನೇ ಉಪ್ಪಂದಿನ ದೇಶದೊಟ್ಟುಗು ಒಪ್ಪಂದ ಮಲ್ತೊಂದಿನ ಆರೋಪೊಡು ಪೆರುಗ್ವೆದ ಕೃಷಿ ಸಚಿವಾಲಯದ ಅಧಿಕಾರಿನ ಸ್ಥಾನೊರ್ದು ಅರ್ನಾಲ್ಡೋ ಚಮರೋ ಮೆರೆನ್ ವಜಾ ಮಲ್ದೆರ್.

ಉಂದೆಕ್ ಪ್ರತಿಕ್ರಿಸೆ ಕೊರಿನ ಚಮಾರೋ ಮೇರ್, ಕೆಲವು ಜನಕುಲು ಯುನೈಟೆಡ್ ಸ್ಟೇಟ್ಸ್ ಆಫ್ ಕೈಲಾಸದ ಪ್ರತಿನಿಧಿಲು ಪನ್ದ್ ಬತ್ತ್, ಪೆರುಗ್ವೆಗ್ ಸಕಾಯ ಮಲ್ಪುವ ಪನ್ದ್ ಸುಮಾರ್ ಪ್ರೆಸೆಂಟೇಶನ್ ಕೊರಿಯೆರ್. ರಡ್ಡ್ ದೇಶೊಲೆನ ನಡುಟು ದ್ವಿಪಕ್ಷೀಯ ಸಂಬಂದ ಬುಲೆಯಡ್ ಪನ್ದ್ ಸಹಕಾರ ಒಪ್ಪಂದೊಗು ದಸ್ಕತ್ ಪಾಡಿಯ. ಅಕಲೆನ ಉದ್ದೇಶ ಎಂಕಲೆಗ್ ತೆರಿದಿತ್ತಿಜಿ, ಅಂಕುಲು ಎಂಕಲೆನ್ ಮಂಗೆ ಮಲ್ತೆರ್ ಉಂದೆರ್ದಾವರ ಇತ್ತೆ ಎನ್ನ ಬೇಲೆ ಪೋಂಡು ಪನ್ದ್ ಪನ್ಡೆರ್.