Last updated on December 4th, 2023 at 05:07 pm
ಬಂಟ್ವಾಳ ತಾಲೂಕ್‌ದ ಮೇರಮಜಲು ಗ್ರಾಮ ಪಂಚಾಯತ್ ಸೀಮೆದ ಕೊಡ್ಮಣ್ ಗ್ರಾಮೊಡು ಅಕ್ಷಯ ಪಾತ್ರ ಪ್ರತಿಷ್ಠಾನೊದ (Akshaya Patra Foundation) ಕಡೆರ್ದ್ ದಿನೊಕು 15,000 ಪೌಷ್ಠಿಕ ವನಸ್ ತಯಾರ್ ಮನ್ಪುನ ಆಧುನಿಕತೆಗ್ ಪರಿಮಾರ್ತಿನ ಅಡ್ಪಿಲ್ಲ್‌ನ್ (transformative kitchen facility) ಐತಾರ ಉದಿಪನ ಒಡಿಪು ಪುತ್ತಿಗೆ ಮಠೊತ ಸುಗುಣೇಂದ್ರ ತೀರ್ಥ ಸ್ವಾಮಿಲೆನ ಸಾನ್ನಿಧ್ಯೊಡು ನಡತ್ಂಡ್. ಅಕ್ಷಯ ಪಾತ್ರ ಪ್ರತಿಷ್ಠಾನೊದ ಅಧ್ಯಕ್ಷೆರ್ ಮಧು ಪಂಡಿತ್ ದಾಸ ಬೊಕ್ಕ ಉಪಾಧ್ಯಕ್ಷೆರ್ ಚಂಚಲಪತಿ ದಾಸ, ಕೊಡಚಾದ್ರಿ ಗುರುಕುಲ ಪ್ರಭಾರಿ ತತ್ವದರ್ಶನ ಸ್ವಾಮಿ, ಇಸ್ಕಾನ್ ಕುಡ್ಲ ಅಧ್ಯಕ್ಷೆರ್ ಗುಣಕರ ರಾಮ ದಾಸ, ಬೊಕ್ಕ ಅಕ್ಷಯಪಾತ್ರ ಕಾರ್ಯಾಚರಣೆಲೆನ ಪ್ರಾದೇಶಿಕ ಪ್ರಧಾನ ವ್ಯವಸ್ಥಾಪಕೆರ್, ಬೆಂಗಳೂರು, ಕುಡ್ಲ ಬೊಕ್ಕ ಬಳ್ಳಾರಿ; ಮೇರಮಜಲು ಗ್ರಾ.ಪಂ.ಅಧ್ಯಕ್ಷೆ ಸತೀಶ್ ನಾಯ್ಕ್, ಉಪಾಧ್ಯಕ್ಷೆ ರಾಧಾಕೃಷ್ಣ ತಂತ್ರಿ ಅಮ್ಮುಂಜೆ ಜಿ.ಪಂ. ಒತ್ತು ಪಾಲಿತ್ತೆರ್.
ಅಡ್ಪಿಲ್ಲ್‌ದ ಉದಿಪನ ಮಲ್ತ್ ಪಾತೆರ್ನ ಪುತ್ತಿಗೆ ಮಠೊತ ಸ್ವಾಮಿಲು, ”ಮಸ್ತ್ ವರ್ಸೊರ್ದಿಂಚಿ ಅಕ್ಷಯಪಾತ್ರ ಪ್ರತಿಷ್ಠಾನೊ ಶಾಲೆಲೆಗ್ ವನಸ್‌ದ ಕಾರ್ಯಕ್ರಮೊತ ಮುಕೇನ ಜೋಕುಲೆಗ್ ಕೃಷ್ಣನ ಪುರ್ಸದೊನು ಪಟ್ಟುನ ಮಲ್ಲ ಚಾಕಿರಿ ಮಲ್ತೊಂದುಂಡು. ಪ್ರತಿಷ್ಠಾನೊದ ಮುಕೇನ, ಮಧ್ಯಾಹ್ನದ ವನಸ್ ದೇಶೊಡೊರ್ಮೆ ಸುಮಾರ್ 23 ಲಕ್ಷ ಜನೊಕ್ಲೆಗ್ ಎತ್ತುಂಡು, ಉ್ಂದು ಪುಗರೊಡಾಯಿನವು. ಅಕ್ಷಯ ಪಾತ್ರರ್ದ್ ಪೌಷ್ಟಿಕ ವನಸ್ ಕೊರ್ಪುನ ಬೇಲೆ ಜೋಕುಲೆನ ಆಧ್ಯಾತ್ಮಿಕ ಯೋಗಕ್ಷೇಮೊಗುಲಾ ಸಕಾಯ ಮನ್ಪುಂಡು, ಉ್ಂದೆತ ಪಿರವು ಇಸ್ಕಾನ್‌ದ ನಿರಂತರ ಪುನೆಪು ಉಂಡು. ಈ ಯಶಸ್ವಿ ಯೋಜನೆ ವಿಶೇಷವಾದ್ ಗ್ರಾಮೀಣ ಪ್ರದೇಶೊಲೆಡ್ ನಡಪುನೆನ್ ಪುಗರೊಡೇ ಆಪುಂಡು ಪಂದ್ ಪಂಡೆರ್. ಅಕ್ಷಯ ಪಾತ್ರ ಎಡ್ಡೇನ ಬುಲೆಚ್ಚಿಲ್‌ದ ಈಡ್ ಎತ್ತೆರ ತನ್ನ ಕೊರ್ಪುಗೆ ಕೊರೊಂದುಂಡು ಪಂದ್ ಫೌಂಡೇಶನ್ ತೆರಿಪಾದ್ಂಡ್ ಪಂದ್ ಟೈಮ್ಸ್ ಆಫ್ ಇಂಡಿಯಾ ವರದಿ ಮಲ್ದ್ಂಡ್.
ಮಧು ಪಂಡಿತ್ ದಾಸ ಮೇರ್ ಇಂಚಿಪ್ಪೊಗು ಸುರು ಆತಿನ ಅಡ್ಪಿಲ್ಲ್‌ಲು ಅಕ್ಷಯ ಪಾತ್ರ ಫೌಂಡೇಶನ್‌ದ ಮಹತ್ವೊದ ಬುಲೆಚ್ಚಿಲ್‌ನ್ ತೋಜಾವುಂಡು, ಉ್ಂದು ಜೋಕುಲೆನ ಎಡ್ಡೆಪ್ಪು ಬೊಕ್ಕ ಸಮುದಾಯೊದ ಸಕ್ರಿಯತೆಗ್ ಅವೆತ ಬದ್ಧತೆನ್ ತೋಜಾವುಂಡು ಪಂದ್ ಪಂಡ್‌ದ್ ಕರ್ನಾಟಕ ಸರ್ಕಾರ, ಶಿಕ್ಷಣ ಸಚಿವಾಲಯ, ವಿಜಯ್ ಬೊಕ್ಕ ಶಾಮ ಕೇಡಿಯಾ, ಜಿಟಿ ಫೌಂಡೇಶನ್ ಬೊಕ್ಕ ದಿಯಾ ಸಿಸ್ಟಮ್ಸ್ (ಕುಡ್ಲ) ಪ್ರೈ.ಲಿ. ಲಿಮಿಟೆಡ್ ಮೊಕುಲೆನ ಬೆರಿಸಾಯೊಗು ಮಧು ಪಂಡಿತ್ ದಾಸ ಸೊಲ್ಮೆಲೆನ್ ಸಂದಾಯೆರ್.