Last updated on December 7th, 2023 at 04:35 pm
ಮುಲ್ಕಿ : ಡ್ರೈವರ್‌ನ ಅಂಕೆ ತತ್ತ್, ಪೆರ್ಸಾದಿದ ಡಿವೈಡರ್‌ದ ಮಿತ್ತ್ ಪೋದು ಜನಕುಲು ನಡತೊಂದು ಪೋಪಿನ ತಾದಿದ ಮಿತ್ತ್ ಪೋದು ಅಲ್ಪದ ಗಾಡಿಲೆಗ್ ಲಾರಿ ಒಂಜಿ ಎಡ್ತಿನ ನಡಕೆ ಮುಲ್ಕಿ ಜಂಕ್ಷನ್‌ಡ್ ನಡದ್ಂಡ್.
ಲಾರಿ ಬುಡ್ಪಿನಾಯನ ನಿರ್ಲಕ್ಷೊರ್ದು ಈ ಅಪಘಾತ ಆಂಡ್ ಪನ್ದ್ ಪನೊಂದುಲ್ಲೆರ್. ಈ ನಡಕೆಡ್ ಒರ್ತಿ ಪೋಲೀಸ್ ಸಿಬ್ಬಂದಿಗ್ಲಾ ಸೇರ್ದ್ ಮೂಜಿ ಜನಕ್ ಪೆಟ್ಟಾತ್ಂಡ್. ಒರಿ ಸ್ಕೂಟರ್ ಬುಡ್ಪಿನಾರ್, ಬಪ್ಪನಾಡ್ ಕೈತಲ್ದ ರೆಸಿಡೆನ್ಸಿ ಒಂಜೆತ್ತ ವಾಚ್‌ಮನ್ ಬೊಕ್ಕ ಬಡಕಾಯಿ ಕರ್ನಾಟಕ ಮೂಲದ ಕಾರ್ಮಿಕೆ ಒರಿಯಗ್ ಗಾತಿದ ಗಡಿಕುಲಾದ್ ಮುಕ್ಕ ಆಸ್ಪತ್ರೆಗ್ ಕೊನೊತೆರ್. ಟ್ರಾಫಿಕ್ ಪೋಲೀಸ್ ಸಿಬ್ಬಂದಿ ಗೀತಾ ಬೊಕ್ಕ ರಿಕ್ಷಾ ಡ್ರೈವರ್ ಧರ್ಮೇಂದ್ರಮರೆನ್ ಮುಲ್ಕಿ ಆಸ್ಪತ್ರೆಗ್ ಕೊನೊತೆರ್.
ರಾ.ಪೆರ್ಸಾದಿ 66ಟ್ಟ್ ಒಡಿಪುರ್ದು ಕುಡ್ಲದಂಚಿ ಬರಸ್‌ಡ್ ಬರೊಂದಿತ್ತಿನ ಲಾರಿ, ಮುಲ್ಕಿ ಜಂಕ್ಷನ್‌ದಲ್ಪ ಬನ್ನಗ ಬ್ಯಾರಿಕೇಡ್ ತಪ್ಪಾರೆ ಪೋದು ಅಂಕೆ ತತ್ತ್ ದತ್ತ ಸೈಡ್‌ದ ಡಿವೈಡರ್‌ದ ಮಿತ್ತ್ ಪೋದಿತ್ತ್ಂಡ್.
ಲಾರಿ ಟ್ರಾಫಿಕ್ ಸಿಬ್ಬಂದಿ ಗೀತಾ ಮೆರೆಗ್ ಎಡ್ತ್, ಬೊಕ್ಕ ಸರ್ವಿಸ್ ರೋಡುಡು ಸ್ಕೂಟರ್‌ದಾಯಗ್ ಎಡ್ತ್ ಸ್ಕೂಟರ್‌ನ್ ಒಯ್ತೊಂದು ಪೋದು ರೋಡು ಸೈಡ್ ಉಂತಾದಿತ್ತಿನ ರಿಕ್ಷೊಗು ಎಡ್ತ್ ಅಲ್ತ್ ಬಲೊಕು ತಿರ್ಗ್‌ದ್ ಡಿವೈಡರ್‌ದ ಮಿತ್ತ್ ಬೂರ್ದು ಪೆರ್ಸಾದಿಗ್ ಬತ್ತ್ ಉಂತ್ಂಡ್.