Last updated on December 8th, 2023 at 07:48 am
ಬೇಲೆದ ನೇಮಕಾತಿಗ್ ಬರೆಪಿನ ಪರೀಕ್ಷೆಲೆಡ್ ದಾಲ ಅಕ್ರಮ ಮಲ್ತ್ಂಡ ಅಂಚೆನಕಲೆನ ಮಿತ್ತ್ 10 ಕೋಟಿದಾತ್ ದಂಡ, ಬೊಕ್ಕ 12 ವರ್ಸದಾತ್ ಜೈಲ್ ಶಿಕ್ಷೆ ಕೊರ್ರೆ ಆಪಿನಂಚಿನ ಕಠಿಣ ನಿಯಮೊಲು ಇತ್ತಿನ ಕರ್ನಾಟಕ ಸಾರ್ವಜನಿಕ ಪರೀಕ್ಷಾ ವಿಧೇಯಕ-2023 ಕೋಡೆ ಸದನೊಡು ಮಂಡನೆ ಆಂಡ್.
ಮುಖ್ಯಮಂತ್ರಿಲೆನ ಲೆಕ್ಕೊಡು ಗ್ರಾಮೀಣಾಭಿವೃದ್ದಿ ಬೊಕ್ಕ ಪಂಚಾಯತ್ ರಾಜ್ ಸಚಿವೆ ಆಯಿನ ಪ್ರಿಯಾಂಕ್ ಖರ್ಗೆ ಈ ವಿಧೇಯಕೊನು ಮಂಡನೆ ಮಲ್ತೆರ್. ಪಿಎಸ್‌ಐ ನೇಮಕಾತಿ, ಪದವಿ ಪೂರ್ವ ಶಿಕ್ಷಕೆರೆನ ನೇಮಕಾತಿದಂಚಿನ ಬೇತೆ ಬೇತೆ ಸರಕಾರಿ ನೇಮರಾತಿ ಪರೀಕ್ಷೆಲೆಡ್ ಪ್ರಶ್ನೆಪತ್ರಿಕೆಲೆನ್ ಲೀಕ್ ಮಲ್ತ್, ಬ್ಲೂಟೂತ್ ಗಲಸ್‌ದ್, ಒಎಂಆರ್ ತಿದ್ದ್‌ದ್ ಪರೀಕ್ಷಾ ಅಕ್ರಮ ಮಲ್ಪುನವು, ನೇಮಕಾತಿಗ್ ಲಂಚ ಕೊರ್ದು ಬ್ರಷ್ಟಾಚಾರ ಮಲ್ತೊಂದಿಪ್ಪುನ ತೂದು ಉಂದೆಕ್ ಪೂರಾ ಬ್ರೇಕ್ ಪಾಡೊಡು ಪನ್ದ್ ಈ ವಿಧೇಯಕ ಮಂಡನೆ ಆತ್ಂಡ್.