Last updated on December 13th, 2023 at 05:02 pm
ಪೊಸ ದೆಲ್ಲಿ : ಪೊಸ ದೆಲ್ಲಿಡ್ ಪೊಸ ಸಂಸತ್ ಭವನಡ್ ಅಧಿವೇಶನ ನಡತೊಂದಿಪ್ಪುನಗ, ಜನಕ್ಲೆನ ಗ್ಯಾಲರಿಡ್ ಇತ್ತಿನ ದಾಳಿಕೋರೆರ್ ಕೈಟ್ಟ್ ಟಿಯರ್ ಗ್ಯಾಸ್ ಪತೊಂದು ಸಂಸದೆರ್ನಕ್ಲೆನಲ್ಪ ಲೈತ್ತಿನ ಘಟನೆ ಇನಿ ನಡತ್ಂಡ್. ಮೈಸೂರ್ – ಕೊಡಗುದ ಸಂಸದೆರ್ ಪ್ರತಾಪ್ ಸಿಂಹರ್ದ್ ಪಾಸ್ ಗೆತೊಂದಿತ್ತೆರ್ ಪಂದ್ ತೆರಿದ್ ಬೈದ್ಂಡ್.
22 ವರ್ಸರ್ದ್ ದುಂಬು ಉಂದುವೇ ದಿನ, ಪರ ಸಂಸತ್ ಭವನದ ಮಿತ್ತ್ ಉಗ್ರೆರ್ ದಾಳಿ ಮಲ್ತಿತ್ತೆರ್. ದಾಳಿಕೋರೆರೆನ್ ಪತ್‌ದೆರ್ ನನ ಆತೆ ಅಕ್ಲೆನ ಮಿತ್ತ್ ಪ್ರಾಥಮಿಕ ತನಿಖೆ ಆವರೆಗುಂಡು. ಇನಿರ್ದ್ ನನ ಜನಕ್ಲೆನ ಗ್ಯಾಲರಿಗ್ ಎರೆಗ್ಲಾ ಪೋರೆಗ್ ಇಜ್ಜಿ ಮಾತಾ ಪಾಸ್‌ನ್ಲಾ ಸ್ಪೀಕರ್ ಓಂ ಬಿರ್ಲಾ ರದ್ದ್ ಮಲ್ತೆರ್.