Last updated on December 17th, 2023 at 02:35 pm
ಮಂಗಳೂರು ವಿಶ್ವವಿದ್ಯಾಲಯೊಡು ಪ್ರತ್ಯೇಕ ತುಳು ವಿಭಾಗ ಸುರು ಮಲ್ಪೊಡು ಪನ್ದ್ NSUI ಕುಡ್ಲ ಜಿಲ್ಲೆದ ಗುರ್ಕಾರೆ ಆಯಿನ ಸುಹಾನ್ ಆಳ್ವ ಮೇರ್ ಉನ್ನತ ಶಿಕ್ಷಣ ಸಚಿವೆ ಡಾ॥ಎಂ.ಸಿ ಸುಧಾಕರ್ ಮೆರೆಗ್ ಮನವಿ ಕೊರ್ತೆರ್.
ತುಳು ಭಾಷೆನ್ ಉನ್ನತ ಶಿಕ್ಷಣೊಡು ಗೋಡ್ಯಾದ್ 2018-19ರ್ದು ಹಂಪನಕಟ್ಟೆದ ವಿವಿ ಕಾಲೇಜಿಡ್ ತುಳು ಎಂ.ಎ ಸುರು ಆತ್ಂಡ್. ಆಂಡ ಉಂದು ಸುರು ಆದ್ 5 ವರ್ಸ ಆಂಡಲಾ ನನಲ ಕನ್ನಡ ವಿಭಾಗದ ಅಡಿಟ್ ಉಂದು ನಡತೊಂದುಂಡು. ಉಂದೆರ್ದಾವರ ತುಳುಟು ನನಲಾತ್ ಮಲ್ಲ ಮಟ್ಟ್ ದ ಅಧ್ಯಯನ ಮಲ್ಪರೆ ಬಂಗ ಆಪುಂಡು ಅಂಚಾದ್ ತುಳುಕು ಸ್ವತಂತ್ರ ವಿಭಾಗ ಬೋಡು. ಈ ಬಗೆಟ್ ಕುಡ್ಲ ವಿವಿದ ಸಿಂಡಿಕೇಟ್ ಡ್ ನಿರ್ಣಯ ಆದ್ ಸರಕಾರೊಗು ಕಡಪುಡುದುಂಡು. ಉಂದೆನ್ ಆಯಿನಾತ್ ಬೇಗ ಮಲ್ಪೊಡು ಪನ್ದ್ ಮನವಿಡ್ ಪನ್ತೆರ್.