Last updated on December 18th, 2023 at 08:26 am
ಬನ್ನಂಜೆ ಬಾಬು ಅಮೀನೆರೆನ್ ತುಳು ಜನಪದ ಅಂಚೆನೆ ಇತಿಹಾಸ ಅಧ್ಯಯನಕಾರೆರಾದ್ ಮಲ್ದಿನ ಸಾಧನೆ ಬಾರೀ ಮಲ್ಲ. ಮೇರ್ ಒರಿ ಜ್ಞಾನದ ಬಂಡಾರ, “ಜಾನಪದ ಅಧ್ಯಯನ ವೀರ” ಪನ್ದ್ ಪ್ರೊ।ಕೆ.ಚಿನ್ನಪ್ಪ ಗೌಡೆರ್ ಪನ್ಡೆರ್.
ಪೆರಿಯ ವಿದ್ವಾಂಸೆರಾಯಿನ ಬನ್ನಂಜೆ ಬಾಬು ಅಮೀನೆರೆಗ್ 80 ವರ್ಸ ದಿಂಜಿನ ಲೆಕ್ಕೊಡು ಬನ್ನಂಜೆ ಬಾಬು ಅಮೀನ್-80 ಅಭಿನಂದನಾ ಸಮಿತಿದ ಲೆಕ್ಕೊಡು ಬನ್ನಂಜೆಡ್ ಐತಾರ ಸಿರಿತುಪ್ಪೆ ಪನ್ಪಿನ ಲೇಸ್ ಮಲ್ದಿತ್ತೆರ್.
ಕಾಂಡೇರ್ದ್ ಬಯ್ಯ ಮುಟ್ಟ ನಡತಿನ ಈ ಪೊರ್ಲ ಲೇಸ್ ಡ್ ಘೋಷ್ಟಿಲು, ಆಟ, ತುಳುನಾಡ ಜಾನಪದ ವಿದ್ವಾಂಸೆರೆನ ಪಾತೆರೊಲು ಪೂರಾ ಇತ್ತ್ಂಡ್. ಬಾಬು ಅಮೀನೆರ್ ಬರೆತಿನ ಮಸ್ತಿರೆಲೆಡೇ ಅರೆಗ್ ಅಕ್ಷರ ತುಲಾಭಾರ ಮಲ್ತೆರ್. ಆದರ್ಶ, ಸತ್ಯ, ನಿಷ್ಟೆದ ಬಗೆಟ್ ಭಾಷಣ ಮಲ್ಪುನಕುಲು ನಿಜ ಜೀವನೊಡುಲಾ ಅವೆನ್ ಪಾಲಿಕೊಂದು ಬದುಕಿಯೆರ್ಡ ನಾರಾಯಣಗುರುಕುಲೆನ ಸಂದೇಶೆೊಗು ಬಿಲೆ ಕೊರಿಲೆಕ್ಕ ಆಪುಂಡು ಪನ್ದ್ ಅಮೀನೆರ್ ಅಭಿನಂದನೆ ದೆತೊನ್ದು ಪನ್ಡೆರ್. “ಸಿರಿ ಕುರಲ್” ಪನ್ಪಿನ ಅಭಿನಂದನಾ ಗ್ರಂಥಲಾ ಬುಡುಗಡೆ ಆಂಡ್.