Last updated on December 18th, 2023 at 11:23 am
ತಾಂಕನೆದ ಮಗಲ್ ಇಲ್ಲ್ ಬುಡ್ದ್ ಪೋಯಿನ ಬೇನೆಡ್ ಬಲ್ಲ್ ಪಾಡೊಂದು ತೀರಿನ ಸಮಾಜ ಸೇವಕೆ ಕೆ.ಲೀಲಾಧರ ಶೆಟ್ಟಿ ಬೊಕ್ಕ ಅರೆನ ಬೊಡೆದಿನ ಸಾವುಗು ನೆವನ ಆಯಿನ ಮಗಲೆನ್ ಕಾಪು ಪೋಲೀಸೆರ್ ಕುಂಬಳೆಡ್ ನಾಡ್ ಪತ್ತಿಯೆರ್.
ಅಪ್ರಾಪ್ತ ಪ್ರಾಯದ ತಾಂಕನೆದ ಮಗಲ್, ಅಲೆನ ಚಂಗಾಯಿ ಬೊಕ್ಕ ಅಕಲೆಗ್ ಬಲ್ಪರೆ ಸಾಯ ಮಲ್ದಿನ ಮೂಜಿ ಜನನ್ ಪೋಲೀಸೆರ್ ವಶೊಗು ದೆತೊನ್ದೆರ್. ಪೊಣ್ಣನ ಚಂಗಾಯಿ ಶಿರ್ವದ ಗಿರೀಶ್, ಉಂಬ್ಯಗ್ ಬೆರಿಸಾಯ ಮಲ್ದಿನ ರೂಪೇಶ್, ಅಜೀಜ್ ಬೊಕ್ಕ ಜಯಂತ್ ಮೊಕಲೆನ್ ಪತ್ತಿನ ಪೋಲೀಸೆರ್ ದಡೀತ ವಿಚಾರಣೆ ಮಲ್ತೊಂದುಲ್ಲೆರ್.
ಆರೋಪಿ ಗಿರೀಶನ ವಿರುದ್ದ ಪೋಕ್ಸೊ, ಅಪಹರಣ, ಅತ್ಯಾಚಾರದಂಚಿನ ಕೇಸುಲು ದಾಕಲಾತ್ಂಡ್. ಒಡಿಪು ಎಸ್ಪಿ ಡಾ. ಅರುಣ್ ಕುಮಾರ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಸಿದ್ದಲಿಂಗಪ್ಪ, ಡಿವೈಎಸ್ಪಿ ಅರವಿಂದ ಕಲಗುಜ್ಜಿ ಮಾರ್ಗದರ್ಶನೊಡು ವೃತ್ತ ನಿರೀಕ್ಷಕಿ ಜಯಶ್ರೀ ಮಾನೆ, ಕಾಪು ಎಸ್ಸೈ ಅಬ್ದುಲ್ ಖಾದರ್, ಕ್ರೈಂ ಎಸ್ಸೈ ಪುರುಷೋತ್ತಮ್ ನೇತೃತ್ವಡ್ ಸಿಬ್ಬಂದಿಲು ಕಾರ್ಯಾಚರಣೆ ಮಲ್ದಿತ್ತೆರ್.