Last updated on December 20th, 2023 at 03:24 pm
ಬೊಲ್ತೇರ್: ಮರ ಕೊಯ್ನಗ ಮೆಷಿನ್ ಅಯತತ್ತ್‌ದ್ ತಿರ್ತ್ ಬೂರ್ದ್, ರನ್ನಿಂಗ್‌ಡ್ ಇತ್ತಿನ ಮೆಷಿನ್ದ ಗರ್ಗಸ್ ಕೆಕ್ಕಿಲ್‌ಗ್ ತಿಕ್ಕ್‌ದ್ ಒರಿ ತೀರ್ದಿನ ನಡಕೆ ಬೊಲ್ತೇರ್‌ದ ಸಾವ್ಯಡ್ ಡಿ. 20 ತಾನಿ ನಡತ್‌ದ್ಂಡ್.
ಬೊಲ್ತೇರ್ ತಾಲೂಕ್ ಸಾವ್ಯ ಗ್ರಾಮೊದ ಸಾವ್ಯ ಪೊಸ‌ಇಲ್ಲ್ ಪನ್ಪಿನವುಲು ತನ್ನ ಇಲ್ಲದ ಬರಿಟ್ ಡಿ.19 ದಾನಿ ಕಾಂಡೆ 11:30 ತ ಪೊರ್ತುಗು ಕನಕ್ ಮನ್ಪೆರೆ ಬೋಡಾದ್ ಪ್ರಶಾಂತ್ ಪೂಜಾರಿ ಬೊಕ್ಕ ಸಹೋದರೆ ಪ್ರಮೋದ್‌ರೆನ ಒಟ್ಟುಗು ಮರ ಕೊಯ್ಪುನ ಕಟ್ಟಿಂಗ್ ಮೆಷಿನ್‌ಡ್ ಮರ ಕೊಯ್ನಗ ಪ್ರಶಾಂತ್ ಪೂಜಾರಿ ಕಟ್ಟಿಂಗ್ ಮೆಷಿನ್ದ ಒಟ್ಟುಗು ಅಂಕೆ ತತ್ತ್‌ದ್ ನೆಲಕ್ ಬೂರ್ನಗ ರನ್ನಿಂಗ್‌ಡ್ ಇತ್ತಿನ ಕಟ್ಟಿಂಗ್ ಮೆಷಿನ್ದ ಗರ್ಗಸ್ ಆಕಸ್ಮಿಕವಾದ್ ಕೆಕ್ಕಿಲ್‌ದಡೆ ತಾಗ್‌ದ್, ಗಡಿಕುಲಾದ್ ಮಸ್ತ್ ನೆತ್ತೆರ್ ಪೋತುಂಡು. ಮರ್ದ್‌ಗ್ ಅಪಗನೇ ಬೆದ್ರದ ಆಳ್ವಾಸ್ ಆಸ್ಪತ್ರೆಗ್ ದಾಕಲ್ತ್‌ದ್ ಬೊಕ್ಕ ಎಚ್ಚಿನ ಮರ್ದ್‌ಗ್ ಕುಡ್ಲದ ಕೆ.ಎಮ್.ಸಿ ಆಸ್ಪತ್ರೆಗ್ ಲೆತೊಂದು ಪೋದು ಮರ್ದ್ ಮಲ್ಪುನಗ ಮರ್ದ್ ಪಲಿಪಂದೆ ಪ್ರಶಾಂತ್ ಪೂಜಾರಿ (36) ಪನ್ಪಿನಾರ್ ಡಿ.20ರಂದು(ಇನಿ) ಪುಲ್ಯದ ಸುಮಾರ್ 2 ಗಂಟೆದ ಅಂದಾಜಿಗ್ ತೀರ್ದೆರ್. ಈ ಬಗೆಟ್ ಪ್ರಶಾಂತ್ ಸಹೋದರೆ ಪ್ರಮೋದ್ (33) ವೇಣೂರು ಪೊಲೀಸ್‌ ಸ್ಟೇಶನ್‌ಡ್ ಒಯಿಲ್ ಕೊರ್ತೆರ್.