ಧರ್ಮಸ್ಥಳೊಟು ಮಿನಿ ವಿಮಾನ ಉಂತಡೆ ಮಲ್ಪುನ ವಿಚಾರ, ಭೇಟಿ ಕೊರಿನ ಅಧಿಕಾರಿಲು

Last updated on December 22nd, 2023 at 11:24 am

ಕರಿನ ಬಿಜೆಪಿ ಸರಕಾರ ಧರ್ಮಸ್ಥಳೊಟು ಮಿನಿ ವಿಮಾನ ಉಂತಡೆ ಮಲ್ಪುನ ಪ್ರಸ್ತಾವ ಮಲ್ದಿತ್ತ್ಂಡ್. ಆ ದಿಸೆಟ್ ಗುರುವಾರ ಕಂದಾಯ, ಮಾಲಿನ್ಯ, ಭೂ ಮಾಪನಾ ಇಲಾಖೆದ ಅಧಿಕಾರಿಲು ಜಾಗೆಗ್ ಬತ್ತ್ ತೂಯೆರ್.

ವಿ.ಸೋಮಣ್ಣೆ ಸಚಿವೆರಾದಿಪ್ಪುನಗ ಧರ್ಮಸ್ಥಳೊಟು ಮಿನಿ ವಿಮಾನ ನಿಲ್ದಾಣದ ವಿಚಾರ ಕನತ್ 200 ಕೋಟಿ ಅಂದಾಜಿ ಕರ್ಚಿದ ಪೊಲಬುನು ಕ್ಯಾಬಿನೆಟ್‌ದ ಎದುರು ದೀದಿತ್ತೆರ್. ಇತ್ತೆದ ಸಿದ್ದರಾಮಯ್ಯೆರೆ ಸರಕಾರಲಾ ಉಂದೆನ್ ದುಂಬರಿತ್ ಜಾಗೆ ಗುರ್ತ ಮಲ್ಪರೆ ಸರ್ವೆದ ಅಂಚೆನೆ ಬೇತೆ ಇಲಾಖೆದ ಅಧಿಕಾರಿಲು ಧರ್ಮಸ್ಥಳ, ಕನ್ಯಾಡಿ, ಕಲ್ಮಂಜ ಗ್ರಾಮೊಗು ಭೇಟಿ ಕೊರ್ತೆರ್. ಒಟ್ಟು 157.93 ಎಕ್ರೆ ಜಾಗೊನು ವಿಮಾನ ಉಂತಡೆದ್ ಗುರ್ತ ಮಲ್ದೆರ್. ಉಂದೆನ್ ಅಂತಿಮ ಮಲ್ಪುನ ಬಗೆತ ಮೀಟಿಂಗ್ ಕುಡ್ಲಡ್ ಕುಡ ನಡಪರೆ ಉಂಡು.