Last updated on December 25th, 2023 at 10:51 am
ಕುಡ್ಲ : ಶಿಕ್ಷಣ ಸಚಿವೆರಾಯಿನ ಮಧು ಬಂಗಾರಪ್ಪಗ್ ಎಸ್‌ಡಿಎಂಸಿದಕುಲು ಮನವಿ ಕೊರ್ದು, ಸರಕಾರಿ ಶಾಲೆದ ಟೀಚರ್‌ನಕಲೆಗ್ ಕ್ಲಾಸ್‌ದ ಪೊರ್ತುಡು ಮೀಟಿಂಗ್ ಬೊಕ್ಕ ಕಜ್ಜೊಲೆನ್ ದೀಂಡ ಅವ್ ಶಾಲೆದ ಕಲ್ಪಾವುನೆಕ್ಕ್ ತೊಂದರೆ ಮಲ್ಪುಂಡು ಪನ್ದ್ ಪನ್ತೆರ್.
ಶಾಲೆದ ಪೊರ್ತುಡು ಟೀಚರ್‌ನಕುಲು ಬೇತೆ ಲೇಸ್‌ಲೆಗ್ ಪೂರಾ ಬಿನ್ನೆರಾದ್ ಪೋಪಿನ ಏತ್ ಸಮ? ಶಿಕ್ಷಣ ಇಲಾಖೆಗ್ ಸಂಬಂದ ಉಪ್ಪಂದಿನ ಮೀಟಿಂಗ್‌ಲೆಡ್ ಟೀಚರ್‌ನಕುಲು ಪಾಲ್ ಪಡೆವೆರ್. ಜಿಲ್ಲೆಡ್ ಉಪ್ಪುನ 900 ಶಾಲೆಲೆಡ್ 100 ಶಾಲೆಲು ಆಂಡಲಾ ಸಂಘ ಸಂಸ್ಥೆಲೆನ ಸದಸ್ಯತ್ವೊಡು ಉಲ್ಲ, ಅಲ್ಪ ಶಾಲೆದ ಪೊರ್ತುಡು ಮೀಟಿಂಗ್, ಲೇಸ್‌ಲು ನಡಪೊಂದಿಪ್ಪುವ ಪನ್ದ್ ಮೊಹಿಯುದ್ದೀನ್ ಕುಟ್ಟಿ ಪನ್ಡೆರ್.
ಈ ಬಗೆಟ್ ಎಂಕುಲು ಅಧಿಕಾರಿಲೆಗ್ ಕಂಪ್ಲೈಂಟ್ ಮಲ್ತ್ಂಡಲಾ ಇತೋರ್ತು ದಾಲಾ ಪರಿಹಾರ ಆತಿಜಿ. 2018ಡೇ ಸರಕಾರ ಬೇಲೆದ ಪೊರ್ತುಗು ಮೊಬೈಲ್ ಗಲಸರೆ ಬಲ್ಲಿ ಪನ್ದ್ ಆದೇಶ ಕೊರ್ತುಂಡು ಆಂಡ ಅವ್ಲಾ ಪಾಲನೆ ಆವೊಂದಿಜ್ಜಿ ಪನ್ದ್ ಪನ್ಡೆರ್.