ಕುಡ್ಲ: ತೈಲ ಟ್ಯಾಂಕರ್ ಪಡವುಡು ಕುಸ್ಕುದು ಬೂರಿನ ಜನ- ರಕ್ಷಿಸಾಯಿನ ಕೋಸ್ಟ್ ಗಾರ್ಡ್ ಸಿಬ್ಬಂದಿ

Last updated on December 27th, 2023 at 06:35 pm

ಕುಡ್ಲ: ಎನ್ ಎಂ ಪಿ ಟಿ ಬಂದರ್‌ರ್ದ್ 9.5 ನಾಟಿಕಲ್ ಮೈಲ್ ದೂರದ ಕಡಲ್‌ಡ್ ಲಂಗರ್ ಪಾಡ್ದಿತ್ತಿನ ಲೈಬೀರಿಯಾ ಮೂಲದ ತೈಲ ಟ್ಯಾಂಕರ್ ಪಡವುಡು ಸಿಬ್ಬಂದಿ ಒರಿ ತೀವ್ರ ಅನಾರೋಗ್ಯ ಆದ್ ಅರೆನ್ ಕೋಸ್ಟ್ ಗಾರ್ಡ್ ಸಿಬ್ಬಂದಿ ರಕ್ಷಿಸಾದ್ ಕುಡ್ಲದ ಆಸ್ಪತ್ರೆಗ್ ದಾಖಲಿಸಾದೆರ್ ಪನ್ದ್ ವರದಿ ಆತ್ಂಡ್.

ಎಂಟಿ ಐವರಿ ರೇ ಪನ್ಪಿ ಪುದರ್‌ದ ಪಡವುಡಿತ್ತಿನ ಸಿಬ್ಬಂದಿ ಒರಿ ಅಂಗಾರೆ ರಾತ್ರೆ ವಾಶ್ ರೂಮುಡು ಉಪ್ಪುನಗ ಕುಸ್ಕುದು ಬೂರ್ದೆರ್. ಅಪಗನೇ ಕುಡ್ಲದ ಕೋಸ್ಟ್ ಗಾರ್ಡ್ ಸಿಬ್ಬಂದಿಗ್ ರಕ್ಷಣೆದ ಬಗೆಟ್ ನಡೀರ್ ಲೆಪ್ಪು ಬೈದಿತ್ತ್ಂಡ್.

ಉಂದೆಕ್ ತುರ್ತೊಡು ಸ್ಪಂದಿಸಾಯಿನ ಕೋಸ್ಟ್ ಗಾರ್ಡ್ ಸಿಬ್ಬಂದಿ ನಡೀರ್ ಬೋಟುಡು ಬೈದ್ಯೆರೆನೊಟ್ಟುಗು ಪಡವುದ ಕೈತಲ್ ಪೋದು, ಮತಿ ದಾಂತಿನ ಸ್ಥಿತಿಡ್ ಇತ್ತಿನ ಸಿಬ್ಬಂದಿಗ್ ತುರ್ತು ಚಿಕಿತ್ಸೆ ಕೊರ್ತೆರ್. ಬೊಕ್ಕ ಅರೆನ್ ಕುಡ್ಲದ ಬಂದರ್‌ಗ್ ಕನತ್ ಆಸ್ಪತ್ರೆಗ್ ಕೊನೊತೆರ್ ಪನ್ದ್ ತೆರಿದ್ ಬೈದ್ಂಡ್.