Last updated on December 29th, 2023 at 03:23 pm
ಪಗೆಲ್‌ಡ್ ರಾಮ ದೊಂಬು, ರಾತ್ರೆಡ್ ಸಿಮ, ಮೈಂದ್ ಬೂರ್ದು ತುಳುನಾಡೊರ್ಮೆ ಸೀತ, ಜ್ವರ, ದೊಂಡೆ ಬೇನೆ ಪಸೆರೊಂದುಂಡು.
ವೈರಲ್ ಸೀಕ್‌ದ ಲೆಕ್ಕ ಪರಡೊಂದಿಪ್ಪುನ ಈ ಸೋಂಕ್‌ಗ್ ಅಲ್ಪಲ್ಪ ಕ್ಲಿನಿಕ್ ನಿಲ್ಕೆ ಜನ ದಿಂಜೊಂದುಲ್ಲೆರ್.
ಜಾರ್ದೆ, ಪೆರಾರ್ದೆ, ಪುಯಿಂತೆಲ್‌ಡ್ ಸಿಮ ಎಚ್ಚಿಗೆ ಆದ್ ಸೀತ ಜ್ವರ ಬರ್ಪಿನವು ಸಾಮಾನ್ಯವಾದ್ ಉಪ್ಪುಂಡು. ಅಂಚಾದ್ ಎಚ್ಚಿಗೆ ಮಂಡೆಬೆಚ್ಚ ಮಲ್ಪಂದೆ ಸೀಕ್ ಬನ್ನಗ ಮರ್ದ್ ಕನತ್, ಎಡ್ಡೆಮುಂಚಿದ ಕಸಾಯ, ಬೆಚ್ಚ ನೀರ್ ಪರೊಂದಿತ್ತ್ಂಡ ಉಂದು ಗುನ ಆವು. ಆಯಿನಾತ್ ಈ ಸೀಕ್ ಇಲ್ಲದಕಲೆಗ್ ಪಗರಂದಿಲೆಕ್ಕ ತೂವೊನುಂಡ ಎಡ್ಡೆ. ದೊಂಡೆಬೇನೆ, ಮಕ್ಕ್ ತೆಮ್ಮ, ಜ್ವರ ಪೂರಾ ಇತ್ತ್ಂಡ ಬೈದ್ಯೆರೆಗ್ ತೂಪಾವೊಡು.