Last updated on August 22nd, 2022 at 09:14 am
ತನ್ನಾಲ್ಮೆದ ಅಮುರ್ತೋಚ್ಚಯೊದ ಲೆಕ್ಕೊಡು ಜೈ ತುಲುನಾಡ್(ರಿ.) ಸಂಘೊ ‘ತುಲುಪುರ್ಪ’ ಪನ್ಪಿ ಕಬಿತೆಲೆನ ಮಸ್ತಿರೆಲೆನ್ 21/08/2022ನೇ ಐತಾರೊದಾನಿ ಬುಡುಗಡೆ ಮಲ್ತೆರ್.
ತುಲುನಾಡ್‌ದ 111 ಕಬಿಕ್ಲೆನ ಕಬಿತೆಲೆನ್ ಸಂಪೊಲ್ತ್‌ದ್ ತುಲುಬರವುಡೇ ಅಚ್ಚಿ ಮಲ್ತಿನ ಈ ಮಸ್ತಿರೆನ್ ಪೆರಿಯ ಪತ್ರಕರ್ತೆರ್ ಬೊಕ್ಕ ಸಾಹಿತಿಲಾಯಿನ ಶ್ರೀ ಚಿದಂಬರ ಬೈಕಂಪಾಡಿ ಕೆನರಾ ಕಾಲೇಜ್‌ದ ಸೆಮಿನಾರ್ ಹಾಲ್ ಡ್ ಬುಡುಗಡೆ ಮಲ್ತೆರ್. ಈ ಲೇಸ್‌ಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ಶ್ರೀ ದಯಾನಂದ ಜಿ ಕತ್ತಲ್ಸಾರ್, ಜೈ ತುಲುನಾಡ್ ಸಂಘೊದ ಒತ್ತುಗುರ್ಕಾರ್ಲು ಶ್ರೀ ಹರಿಕಾಂತ್ ಕಾಸ್ರೋಡ್, ಕುಡ್ಲ ಮಹಾನಗರ ಪಾಲಿಕೆ ಪದುಕೆರ್ ಶ್ರೀ ವರುಣ್ ಚೌಟ, ತುಳು ಅಕಾಡೆಮಿ ಪದುಕೆರ್ ಡಾ. ಆಕಾಶ್ ರಾಜ್ ಜೈನ್, ಕೆನರಾ ಕಾಲೇಜ್‌ದ ಉಪನ್ಯಾಸಕೆರ್ ಶ್ರೀ ರಘು ಇಡ್ಕಿದು, ಮನೋರೋಗ ತಜ್ಞೆರ್ ಡಾ. ಜಯಂತ್ ಕುಮಾರ್, ತುಲುಬಾಸೆ ಬೊಕ್ಕ ಸಾಹಿತ್ಯ ಸಮಿತಿದ ನಿದಯಂತೆರ್ ಶ್ರೀಮತಿ ಕುಶಲಾಕ್ಷಿ ವಿ ಕಣ್ವತೀರ್ಥ ಅಂಚೆನೇ ಸಾಹಿತಿಲು ಬೊಕ್ಕ ಸಂಘೊದ ಪದುಕೆರ್ ಒತ್ತುಪಾಲ್‌ಡಿತ್ತೆರ್.
