Last updated on January 2nd, 2024 at 04:20 pm
ಟೋಕಿಯೋ: ಜಪಾನ್‌ಡ್ ಬಾರೀ ಜೋರುದ ಭೂಕಂಪ ನಡತ್‌ದ್, ಕೆಲವು ಕಟ್ವಾನೊಲು ನಾಶ ಆತ. ಸಾದಿಲು ಬಾಯಿ ಬುಡ್ತ. ಇದ ಮುಟ್ಟ ಸುನಾಮಿ ಆಕ್‌ದಿನ ಬಗ್ಗೆ ಒವ್ವೇ ವರದಿಯಾತಿಜಿ. ಆಂಡ ಅಲ್ಪದ ಆಳ್ಮೆ ಎಚ್ಚರ್ಗೆದ ಕ್ರಮವಾದ್ ಜನೊಕ್ಲೆನ್ ಸುರಕ್ಷಿತ ಜಾಗೆಗ್ ಕಡಪುಡುನ ಬೇಲೆಡ್ ಉಂಡು.
ಭೂಕಂಪೊರ್ದಾವರ ಕಮ್ಮಿಡ್ 13 ಜನ ತೀರ್ದೆರ್. ಮಸ್ತ್ ಜನೊಕು ಗಡಿಕುಲಾತ. ಜಪಾನ್‌ದ ಹೊನ್ಶುಡು ಇಪ್ಪುನ ಮಲ್ಲ ಕುದುರುಡುಪ್ಪುನ ಇಶಿಕಾವಾ ಪ್ರಾಂತ್ಯೊಡು 7.6 ತೀವ್ರತೆದ ಭೂಕಂಪ ಆದಿತ್ತ್ಂಡ್. ಕಟ್ವಾನೊಲು ಜರಿದ್, ಸಾದಿಲು ಬಾಯಿ ಬುಡ್ದಿತ್ತ. ಮೀನುಗಾರಿಕಾ ವಾಡೊಲುಲಾ ಮುರ್ಕುದ್ ಪೋತ.
ವಾಜಿಮಾ ಬಂದರ್ ಪ್ರದೇಶೊಡು 13 ಜನ ಸೈದೆರ್. ಜೋರುದ ಭೂಕಂಪೊರ್ದಾವರ ಕಮ್ಮಿಡ್ 1.2 ಮೀಟರ್ ಎತ್ತರೊದ ಸೆರೆಕುಲು ಜಪಾನ್‌ದ ವಾಜಿಮಾ ಬಂದರ್‌ಗ್ ಆಕೊಂದಿತ್ತ. ಮಲ್ಲ ಸುನಾಮಿ ಸೆರೆಕುಲೆನ ಬಗೆಟ್ ವರದಿಯಾತಿಜಿ.
2011ತ ಭೂಕಂಪೊರ್ದು ಬೊಕ್ಕ ಸುನಾಮಿರ್ದಾವರ 16 ಸಾರ ಜನ ತೀರ್ದಿತ್ತೆರ್.