ರಾಮಮಂದಿರ ಉದ್ಘಾಟನೆಗ್ ಕೇಂದ್ರ ಸರ್ಕಾರ ರಜೆ ಕೊರಡ್ – ಸಿಎಂ ಸಿದ್ದರಾಮಯ್ಯೆರ್

Last updated on January 2nd, 2024 at 07:18 pm

ರಾಮಮಂದಿರ ಉದ್ಘಾಟನೆಗ್ ಕೇಂದ್ರ ಸರ್ಕಾರ ರಜೆ ಘೋಷಣೆ ಮನ್ಪಡ್ ಪಂದ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ ಪಂಡೆರ್.

ರಾಮಮಂದಿರ ಉದ್ಘಾಟನೆಗ್ ರಾಜ್ಯ ಸರ್ಕಾರ ರಜೆ ಘೋಷಣೆಗ್ ಬಿಜೆಪಿ ಒತ್ತಾಯದ ಬಗೆಟ್ ಪಾತೆರ್ನ ಸಿಎಂ ಸಿದ್ದರಾಮಯ್ಯೆರ್, ಉ್ಂದು ಕೇಂದ್ರ ಸರ್ಕಾರೊದ ಕಾರ್ಯಕ್ರಮ. ಅಂಚಾದ್ ಕೇಂದ್ರ ಸರ್ಕಾರ ರಜೆ ಘೋಷಣೆ ಮನ್ಪಡ್. ಎಂಕುಲು ದಾಯೆ ರಜೆ ಕೊರೊಡು ಪಂದ್ ಪಂಡೆರ್.

ಕುಡ ಪಾತೆರ್ದ್ ರಾಮ ಮಂದಿರ ಉದ್ಘಾಟನೆಗ್ ಏರೆಗ್ ಮಾತ ಲೆಪ್ಪು ಬೈದ್ಂಡ್ ಪಂದ್ ತೆರಿದಿಜಿ. ಲೆಪ್ಪು ಬತ್ತಿನಕುಲು ಪೋವಡ್ ಪಂದ್ ಪಂಡೆರ್.

ಹುಬ್ಬಳ್ಳಿದ ಶಹರ ಸ್ಟೇಶನ್ ಪೊಲೀಸೆರ್ ರಾಮ ಜನ್ಮಭೂಮಿ ಪೊರ್ಮ್ಬಾಟೊಡು ಪಾಲ್‌ಪಡೆದಿತ್ತಿನ ಕಾರ್ಯಕರ್ತೆ ಶ್ರೀಕಾಂತ್ ಪೂಜಾರಿನ್ ಕೈದ್ ಮಲ್ದಿನೆನ್ ಸಮರ್ಥನೆ ಮಲ್ತೊಂದು ಪಾತೆರ್ನ ಸಿದ್ದರಾಮಯ್ಯೆರ್, ಪರ ಪ್ರಕರಣೊಲೆನ್ ಮುಗಿಪೆರೆ ಗೃಹ ಸಚಿವೆ ಡಾ.ಜಿ ಪರಮೇಶ್ವರ್ ಪಂತೆರ್. ಆರೆನ ಸೂಚನೆದಂಚ ಪ್ರಕರಣೊನು ರೀಓಪನ್ ಮಲ್ದ್ಂಡ್ ಪಂದ್ ಪಂಡೆರ್.