Last updated on August 22nd, 2022 at 10:20 pm
ಬೆಂಗಳೂರುದ 55 ವರ್ಸದ ನಂದಕಿಶೋರ್ ಪನ್ಪಿನಾರ್ ಈ ಬೇಲೆ ಮಲ್ತಿನಾರ್. ಬರಿತಿಲ್ಲದ 11 ವರ್ಸದ ಪೊಣ್ಣು ನಂದ ಕಿಶೋರ್ ತನ್ನೊಟ್ಟುಗು ಅಸಭ್ಯ ವರ್ತನೆ ಮಲ್ಪುವೆ ಪನ್ದ್ ತನ್ನ ಅಮ್ಮೆರೆಗ್ ತೆರ್ಪಾದಿತ್ತೊಲು, ಉಂದು ವಿಷಯೊನು ಅಮ್ಮೆರ್ ಬಿಲ್ಡಿಂಗ್ದಕಲೆಗ್ ಪನ್ದ್ ನನ ದುಂಬುಗು ನಂದ ಕಿಶೋರ್ ಅಲ್ಪ ಬರಿಯರೆ ಬಲ್ಲಿ ಪನ್ದ್ ವಾರ್ನಿಂಗ್ ಕೊರ್ದಿತ್ತೆರ್. ನಂದ ಕಿಶೋರ್ ಹರಿಯಾಣದ ಜನ, ಪೊಣ್ಣುನ ಕುಟುಮ ಉತ್ತರಾಖಂಡೊರ್ದು ಬೈದಿನ. ಪೊಣ್ಣನ ಅಮ್ಮೆರ್ ಬೊಕ್ಕ ನಂದ ಕಿಶೋರ್ ಒಂಜೇ ಕಂಪೆನಿಡ್ ಬೇಲೆ ಮಲ್ತೊಂದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್.
ಐತಾರ 2-30 ಗಂಟೆಗ್ ಕಿಶೋರ್ ಪೊಣ್ಣಗ್ ಬಿಸತಿ ಪಾಡ್ದ್ ಕೆರ್ದ್ ಅವೆರ್ದ್ ಬೊಕ್ಕ ತನ್ನ ಇಲ್ಲಗ್ ಪೋದ್ ತಾನ್ಲಾ ಬಿಸತಿ ಪಾಡೊಂಡೆ. ಕಿಶೋರ್ ನ್ ವಿಕ್ಟೋರಿಯ ಆಸ್ಪತ್ರೆಗ್ ಕೊನೊಯೆರ್ ಆಂಡ ಒಂತೆ ಪೊರ್ತುಡ್ ಆಯೆ ತೀರಿಯೆ.
ಒಂಜಿ ತಿಂಗೊಲು ದುಂಬು ಈ ವಿಷಯೊಡು ಪೊಣ್ಣನ ಇಲ್ಲದಕಲೆಗ್ಲಾ ಉಂಬ್ಯಗ್ಲಾ ಲಡಯಿ ಆದಿತ್ತ್ಂಡ್. ಉಂಬೆ ತಾನ್ ಬೋಡುಂದು ಮಲ್ದಿನಿ ಅತ್ತ್ ಪನ್ದ್ ಪನೊಂದಿತ್ತೆಗೆ. ಒಂತಿ ತಿಂಗೊಲುದ ಉಲಾಯಿ ಆ ಜಾಗ ಬುಡ್ದ್ ಬೇತೆ ಜಾಗೊಗು ಪೋವರೆ ಕಟ್ವಾನದಕುಲು ಪನ್ದಿತ್ತೆರ್ಗೆ. ಆಯಗ್ ಬೇತೆ ಓಲುಲಾ ಬಾಡಿಗೆಗ್ ಇಲ್ಲ್ ತಿಕ್ಕ್’ದಿತ್ತಿಜಿ.
ಮದನಾಯಕನಹಳ್ಳಿ ಪೋಲೀಸ್ದಕುಲು ಕೇಸ್ ಪಾಡ್ದ್ ವಿಷಯ ತೆರಿಪಾಯೆರ್.
