ಕೊರಗ ಜನಾಂಗದಕಲೆಗ್ ಮಾತಾ ಸವಲತ್ತ್ ಎತ್ತಾವರೆ ಕುಡ್ಲ ಜಿಲ್ಲಾಡಳಿತ ಪುನೆಪು ಬರ್ಪುಂಡು : ಡಿಸಿ

Last updated on January 9th, 2024 at 07:49 pm

ಕುಡ್ಲ ಜಿಲ್ಲಾಡಳಿತ ಕೊರಗ ಜನಾಂಗದಕಲೆಗ್ ತಿಕ್ಕೊಡಾಯಿನ ಮಾತಾ ಸಾಮಾಜಿಕ ಅಂಚೆನೆ ಸವಲತ್ತುಲೆನ್ ಎತ್ತಾವರೆ ಪತ್ತ ಪುನೆಪು ಬರ್ಪ ಪನ್ದ್ ಕುಡ್ಲ ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್ ಪನ್ಡೆರ್.

ಪ್ರಧಾನಮಂತ್ರಿ ಜನಜಾತಿ ಆದಿವಾಸಿ ನ್ಯಾಯ ಮಹಾ ಅಭಿಯಾನದ ಅಧಿಕಾರಿಲೆನೊಟ್ಟುಗು ನಡತಿನ ಮೀಟಿಂಗ್ ಡ್ ಪಾತೆರಿನ ಡಿಸಿ, ಕೊರಗ ಜನಾಂಗದ ಎರೆಗ್ ಪೂರಾ ಆಧಾರ್ ಕಾರ್ಡ್, ರೇಶನ್ ಕಾರ್ಡ್, ಆಯುಷ್ಮಾನ್ ಭಾರತ ಕಾರ್ಡ್, ಮುಖ್ಯಮಂತ್ರಿಲೆನ ಆರೋಗ್ಯ ಕರ್ನಾಟಕ ಕಾರ್ಡ್ ಪೂರಾ ಆತಿಜಿ ಅಕಲೆನ ಲಿಸ್ಟ್ ಮಲ್ತ್ ಅಕಲೆಗ್ ಈ ಸೌಲಭ್ಯೊಲೆನ್ ಮಲ್ಪಾವೊಡು ಪನ್ದ್ ಪನ್ಡೆರ್.

ಶಾಲೆರ್ದ್ ಪಿದಯಿ ಉಪ್ಪುನ ಕೊರಗ ಜೋಕುಲೆನ್ ಪಿರ ಶಾಲೆಗ್ ಕನವೊಡು. ಕೊರಗ ಜವನೆರೆಗ್ ಸ್ಕಿಲ್ ಡೆವೆಲಪ್ಮೆಂಟ್ ಸೆಂಟರ್ ಮಲ್ಪೊಡು, ಮೊಬೈಲ್ ನೆಟ್ ವರ್ಕ್ ಪೂರಾ ಕಮ್ಮಿ ಉಪ್ಪುನ ಕೊರಗೆರೆ ಕಾಲನಿಲೆಡ್ ಮೊಬೈಲ್ ಟವರ್ ಪಾಡ್ಪಾವುನ ಕಜ್ಜೊಲು ಆವೊಡು ಪನ್ದ್ ಪನ್ಡೆರ್.

ಕುಡ್ಲ ಜಿಲ್ಲೆಡ್ ಡ್ 1233 ಕೊರಗೆರೆ ಕುಟುಮೊಡು 4858 ಜನ ಉಲ್ಲೆರ್. ಇಲ್ಲ ಇಲ್ಲಗ್ ಪೋದು ವಿವಿದ ರೀತಿದ ಸರ್ವೇ ಅಂಗಾರೆದಾನಿ ಮುಗಿಯುಂಡು. ಜನವರಿ 12ಕ್ಕ್ ಕುಡ್ಲ ಜಿಲ್ಲೆದ ಕೊರಗೆರೆಗ್ ಒವ್ ಸವಲತ್ತು ಉಂಡು, ಒವ್ ಸವಲತ್ತು ತಿಕ್ಕ್‌ದಿಜಿ ಪನ್ಪಿನ ಪತ್ತ ಒಲವು ತಿಕ್ಕುಂಡು ಪನ್ದ್ ಬುಡಕಟ್ಟ್ ಬುಲೆಚ್ಚಿಲ್‌ದ ಜಿಲ್ಲೆದ ಅಧಿಕಾರಿಯಾಯಿನ ಸಿ.ಶಿವಕುಮಾರ್ ತೆರಿಪಾಯೆರ್.