Last updated on January 17th, 2024 at 07:37 pm
ಮುಲ್ಕಿ: ವಿಶೇಷ ದೀಪಾಲಂಕಾರೊಗು ಪುದರ್ ಪೋತಿನ ಬೆದ್ರದ ಲೆಕ್ಸಾ ಲೈಟಿಂಗ್‌ ಟೆಕ್ನಾಲಜಿಸ್‌ ಪ್ರೈವೇಟ್‌
ಲಿಮಿಟೆಡ್‌ ಸಂಸ್ಥೆ ಅಯೋಧ್ಯೆದ ರೈಲ್ ಉಂತಡೆಗ್ 300ರ್ದ್‌ಲಾ ಎಚ್ಚ RGBW ಕಲರ್‌ ಲೈಟ್‌‌ಲೆನ್ ಪಾಡ್ದ್ ವೈವಿಧ್ಯಮಯ ರಂಗ್‌ಲೆನ್ ದಿನೊಕ್ಕೊಂಜೆತ ಲೆಕ ತೂಪಾದ್ ಪ್ರವಾಸಿಗೆರೆ ಕಣ್ಮನ ಒಯ್ಪೆರೆ ಎದುರು ತೂವೊಂದುಂಡು.
ಜಪಾನೀಸ್‌ ಉತ್ಪಾದನ ವ್ಯವಸ್ಥೆನ್ ಗಲಸೊಂದು ಸುರು ಆತಿನ ಈ ಉದ್ಯಮ ಇತ್ತೆ 250ರ್ದ್‌ಲಾ ಎಚ್ಚಿನ ಉತ್ಸಾಹಿ ಸ್ಥಳೀಯ ಪ್ರತಿಭೆಲೆನ್ ಒಟ್ಟುಗೋಡ್ಯೊಂದು, “ಮೇಕ್‌ ಇನ್‌ ಇಂಡಿಯಾ’ ದ ಪ್ರಕಾರ ಬೇಲೆ ಮಲ್ತೊಂದುಂಡು.
ಲೆಕ್ಸಾ ಲೈಟಿಂಗ್‌ದ ಸಿಇಒ ರೊನಾಲ್ಡ್ ಸಿಲ್ವನ್ ಡಿಸೋಜಾ ಮೇರ್ ತನ್ಕುಲೆ ಕೊರ್ಪುಗೆಲೆಗ್ ಆತ್ಮನಿರ್ಭರ ಭಾರತ್ ಪ್ರಶಸ್ತಿ, ಹೈ ಪ್ಲೇಯರ್ಸ್ ಗ್ಲೋಬಲ್ ಇಂಡಿಯನ್ ಪ್ರಶಸ್ತಿ, ದ. ಕ. ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಬೊಕಲಾ ಪಾಕ ಮಾನಾದಿಗೆಲೆನ್ ಪಡೆಯೊಂದೆರ್.
ಇಂಚಿಪ್ಪೊಗು ಲೆಕ್ಸಾ ಸಂಸ್ಥೆ ಕರ್ನಾಟಕೊದ ಸುವರ್ಣ ವಿಧಾನ ಸೌಧೊಗು ಲೈಟಿಂಗ್ಸ್‌ಡ್ ಐತ ಮಲ್ತ್‌ದ್ ಪುದರಾದಿತ್ತ್ಂಡ್. ಇತ್ತೆ ಲಕ್ಷಗಟ್ಲೆ ಜನ ಬರ್ಪುನ ಅಯೋಧ್ಯೆದ ರೈಲ್ವೇ ಉಂತಡೆಗ್ ಲೈಟಿಂಗ್ಸ್ ಮಲ್ದಿನ ಕಂಪೆನಿಗ್ ಕುಡೊಂಜಿ ಮೈಲಿಕಲ್ಲ್.