Last updated on January 17th, 2024 at 03:52 pm
ಒಡಿಪು: ರಾಮಮಂದಿರ ನಿರ್ಮಾಣೊಗು ಯಾನ್ ದೇಣಿಗೆ ಕೊರ್ತೆ. ರಾಮ- ಕೃಷ್ಣ, ಪರಮೇಶ್ವರನ ಮಿತ್ತ್ ಎಂಕ್ ಭಕ್ತಿ ಉಂಡು. ದುಂಬಗ್ ಅಯೋಧ್ಯೆಗ್ ಭೇಟಿ ಕೊರ್ಪೆ ಪಂದ್ ಮಹಿಳಾ ಬೊಕ್ಕ ಜೋಕುಲೆನ ಬುಲೆಚ್ಚಿಲ್, ವಿಕಲಚೇತನೆರೆ ಅಂಚೆನೇ ಪೆರಿಯ ನಾಗರೀಕೆರೆ ಸಬಲೀಕರಣ ಸಚಿವೆರ್ ಅಂಚೆನೇ ಒಡಿಪು ಜಿಲ್ಲಾ ಉಸ್ತುವಾರಿ ಸಚಿವೆರಾಯಿನ ಲಕ್ಷ್ಮೀ ಆರ್ ಹೆಬ್ಬಾಳ್ಕರ್ ಪಂಡೆರ್.
ಯಾನ್ ನಮ್ಮ ಸಂಸ್ಕೃತಿ, ಭಕ್ತಿನ್ ಆಚರಿಪುವೆ. ರಾಮಮಂದಿರೊದ ವಿಚಾರೊಡು ಪಕ್ಷದ ನಡಕೆದ ಬಗ್ಗೆ ಯಾನ್ ಪಾತೆರುಜಿ. ಯಾನ್ ಪಕ್ಷೊದ ಗುರ್ಕಾರ್ದಿ ಅತ್ತ್ , ವಾ ಮಲ್ಲ ಸ್ಥಾನೊಡ್ಲಾ ಯಾನ್ ಇಜ್ಜಿ. ಯಾನ್ ದೇವೆರೆನ್ ನಂಬುನಾಲ್ ಪಂದ್ ಗಡೀಗಡೀ ಪನ್ಪೆ ಪಂದ್ ಪಂಡೆರ್.
ರಾಮ ಮಂದಿರೊಗು ಒಂಜತ್ತೊ ಒಂಜಿ ದಿನ ಪೋದೇ ಪೋಪೆ. ರಾಮ ಮಂದಿರ ಅಕ್ಲೆನಲಾ ಅತ್ತ್, ಎಂಕ್ಲೆನಲಾ ಅತ್ತ್. ಅಯೋಧ್ಯೆದ ರಾಮ ಮಂದಿರ 140 ಕೋಟಿ ಜನೊಕ್ಲೆನ ಪಂದ್ ಸಚಿವೆದಿ ಲಕ್ಷ್ಮೀ ಹೆಬ್ಬಾಳ್ಕರ್ ಪಂಡೆರ್.