Last updated on January 17th, 2024 at 07:38 pm
ತೊರತ್ತಲ್: ಸಿಎಂ ಸಿದ್ದರಾಮಯ್ಯೆ ಬೊಕ್ಕ ಡಿಸಿಎಂ ಡಿ.ಕೆ. ಶಿವಕುಮಾರ್‌ ಮೊಕಲೆಗ್ ಅಶ್ಲೀಲ ಪದ ಗಲಸ್‌ದ್ ನೆರ್ದ್ ವೀಡಿಯೊ ಮಲ್ತ್‌ದ್ ಸಾಮಾಜಿಕ ಬಲೆತ್ತಾನೊಡು ಶೇರ್ ಮಲ್ದಿನ ಜವನನೊರ್ಯನ್ ತೊರತ್ತಲ್ ಪೊಲೀಸೆರ್ ಕೈದ್ ಮಲ್ದೆರ್.
ಕೈದಾತಿನಾಯೆ ಮೂಲತಃ ಉತ್ತರ ಕನ್ನಡ ಜಿಲ್ಲೆದ ಶಿರಸಿ ತಾಲೂಕ್‌ದ ಅಜ್ಜರಣಿ ನಿವಾಸಿ, ತೊರತ್ತಲ್ ಕಾನಡ್ ಬಾಡಾಯಿದಿಲ್ಲಡ್ ಇತ್ತ್‌ದ್ ಟೂರಿಸ್ಟ್‌ ಕಾರ್ ಡ್ರೈವರ್ ಆದ್ ಬೆನೊಂದಿತ್ತಿನ ಅನಿಲ್‌ ಕುಮಾರ್ (34) ಪಂದ್ ತೆರಿದ್‌ ಬೈದ್ಂಡ್.
ಆರೋಪಿ ಅನಿಲ್‌ ಕುಮಾರ್ ಸಿಎಂ ಸಿದ್ದರಾಮಯ್ಯೆರೆಗ್ ನೆರ್ದ್ ವೀಡಿಯೊ ಮಲ್ತ್‌ದ್ ಸಾಮಾಜಿಕ ಬಲೆತ್ತಾನೊಡು ಶೇರ್ ಮಲ್ದಿತ್ತೆ ಪಂದ್ ತೆರಿದ್‌ ಬೈದ್ಂಡ್.
ಆರೋಪಿ ಸರ್ಕಾರೊದ ಬೇತೆ ಬೇತೆ ಯೋಜನೆಲೆನ ಲಾಭ ಗೆತೊನೆರ ಬೋಡಾದ್ ತನ್ನ ಪುದರ್‌ನ್ ರೇಷನ್ ಕಾರ್ಡ್‌ಡ್ ಗೋಡ್ಯಾಯೆರ ಪುನೆದಿತ್ತೆ. ಆಂಡ, ಸರ್ವರ್ ಸಮಸ್ಯೆ ಬೊಕ್ಕ ಬೇತೆ ಸಮಸ್ಯೆಲೆರ್ದಾವರ ಕರಿನ 3 ತಿಂಗೊಲುರ್ದ್ ಗೋಡ್ಯಾಯೆರ ಆತಿಜಿ. ಅಂಚಾದ್ ಬೆಚ್ಚೊಡು ವೀಡಿಯೊ ಮಲ್ತ್‌ದ್ ಸಾಮಾಜಿಕ ಬಲೆತ್ತಾನೊಡು ಬುಡ್ದಿತ್ತೆ ಪಂದ್ ಪೊಲೀಸೆರ್ ಒಲವು ಕೊರ್ತೆರ್.
ಆರೋಪಿ ಅನಿಲ್‌ ಕುಮಾರ್ ವಿರುದ್ಧ ತೊರತ್ತಲ್ ಪೊಲೀಸ್ ಸ್ಟೇಶನ್‌ಡ್ ಐಪಿಸಿ ಸೆಕ್ಷನ್ 153A, 505(i)(c), 504 ದ ಅಡಿಟ್ ಪ್ರಕರಣ ದಾಕಲ್ತೊಂದಿನ ಪೊಲೀಸೆರ್ ಎಚ್ಚಿನ ವಿಚಾರಣೆ ಮಲ್ತೊಂದುಲ್ಲೆರ್ ಪಂದ್ ತೆರಿದ್‌ ಬೈದ್ಂಡ್.