Last updated on January 25th, 2024 at 08:29 am
ರಾಮ ಮಂದಿರೊಗು ಪ್ರತಿವರ್ಸ ಕಮ್ಮಿರ್ದ್ ಕಮ್ಮಿ 5 ಕೋಟಿ ಜನ ಭಕ್ತೆರ್ ಬರ್ಪಿನ ನಿರೀಕ್ಷೆ ಉಂಡು. ಉಂದು ಭಾರತದ ಪ್ರಮುಖ ಧಾರ್ಮಿಕ ಸ್ಥಳ ಆಯಿನ ತಿರುಪತಿ, ಅಂಚೆನೆ ಪ್ರೇಕ್ಷನೀಯ ಸ್ಥಳ ಆಯಿನ ತಾಜ್ ಮಹಲ್ದ ವರ್ಸದ ಪ್ರವಾಸಿಗೆರೆನ ಅಂಕೆ ಮೀರಿಸಾವುಂಡು. ಆತೇ ಅತ್ತಂದೆ ಸೌದಿ ಅರೇಬಿಯಾದ ಮೆಕ್ಕಾ ಅಂಚೆನೊ ವಾಟಿಕನ್ ಸಿಟಿಕ್ ಪೋಪಿನಕಲೆನ ಸಂಖ್ಯೆನ್ಲಾ ಮೀರಿಸಾವುಂಡು ಪನ್ದ್ ಅಂದಾಜಿ ಪಾಡ್ದ್ಂಡ್.
ರಾಮ ಮಂದಿರೊಗು ಸುರು ಸುರುಟು ಮಸ್ತ್ ಭಕ್ತೆರ್ ಬರ್ಪೆರ್ ಪನ್ಪಿನ ಅಂದಾಜಿ ಇತ್ತ್ಂಡ್. ದಿನೊಕು ಒಂಜಿ ಲಕ್ಷ ಜನ ಬರುವೆರ್ ಪನ್ದ್ ಇತ್ತ್ಂಡ್. ಆಂಡ ಸುರುತ ದಿನನೇ 5 ಲಕ್ಷ ಜನ ಬತ್ತ್ ದೇಶೊಡೇ ದಾಖಲೆ ಬರೆಯ್ಂಡ್. 2025ತ್ತ ನಡುಟು ರಾಮ ಮಂದಿರದ ಪೂರಾ ಬೇಲೆ ಆಪುಂಡು, ಅವೆರ್ದ್ ಬೊಕ್ಕ ನನಲಾತ್ ಎಚ್ಚಿನ ಜನ ಬರ್ಪಿನ ನಿರೀಕ್ಷೆ ಉಂಡು.