Last updated on January 25th, 2024 at 04:13 pm
ಚೆನ್ನೈ: ಸುಪ್ರೀಂ ಕೋರ್ಟ್ ಅನುವು ಕೊರಿನ ಬೆತ್ತಡಿಡೇ ಬೋರಿಲೆನ್ ಬಲ್ಪಾವುನ ಸಾಂಪ್ರದಾಯಿಕ ಗೊಬ್ಬು ಜಲ್ಲಿಕಟ್ಟುಗ್ ಕಾರ್ಪೊರೇಟ್ ಟಚ್ ಕೊರ್ದು ಐಪಿಎಲ್ ಮಾದರಿಡ್ ಮಲ್ಪಾವರೆ ತಮಿಳುನಾಡು ಸರ್ಕಾರ ದುಂಬು ಬೈದ್ಂಡ್.
ಈ ದಿಸೆಟ್ ರಾಜ್ಯದ ಕಡೀರ ಅತ್ಯಾಧುನಿಕ ಗೊಬ್ಬುದ ಕಲೊನು ತಮಿಳುನಾಡು ಮುಖ್ಯಮಂತ್ರಿ ಎಂ.ಕೆ.ಸ್ಟಾಲಿನ್ ಬುಧವಾರ ಉದಿಪನ ಮಲ್ತೆರ್. ಮಧುರೈದ ಅಲಂಗಾನಲ್ಲೂರ್‌ಡ್ 66.8 ಎಕರೆ ಜಾಗೆಡ್ ಪೊಸ ಜಲ್ಲಿಕಟ್ಟು ಗೊಬ್ಬುದ ಕಲ ನಿರ್ಮಿತೆರ್. ಉಂದೆಟ್ 5 ಸಾರ ಜನ ಗೊಬ್ಬು ತೂವೊಲಿ. ಜಲ್ಲಿಕಟ್ಟು ಗೊಬ್ಬುದ ವಸ್ತುಸಂಗ್ರಹಾಲಯಲಾ ನೆಟೆ ಉಂಡು. ಬೋರಿಲೆಗ್ ಗಡಿಯಾಂಡ ಅವೆಕ್ ಮರ್ದ್ ಕೊರ್ಪಿನ ವ್ಯವಸ್ಥಲಾ ಉಂಡು.
ಗೆಂದಿನಕಲೆಗ್ ಬಂಗಾರ್, ಬೈಕ್, ಕಾರ್ ಒಟ್ಟುಗು ನನಲ ಎಚ್ಚಿನ ಪನವುದ ಇನಾಮು ಕೊರ್ಪಿನ ಉದ್ದೇಶ ಉಂಡು ಪನ್ದ್ ಸರ್ಕಾರದ ಮೂಲೊಲು ತೆರಿಪಾದ್ಂಡ್.