ಭಾರತೀಯೆರೆನ ಅಜಕೆ ಇತ್ತೆ ಮಾಲ್ಡೀವ್ಸ್ ಅತ್ತ್, ಮಯಿಜ್ಜು ಮಿತ್ತ್ ವಿಪಕ್ಷೊಲು ದಾಳಿ

Last updated on January 30th, 2024 at 10:52 am

ಪ್ರಧಾನಿ ಮೋದಿನ ಮಿತ್ತ್ ಬೊಡ್ಚಾಂದಿನ ಪನ್ದ್ ವಿವಾದೊಗು ಈಡ್ ಆದಿತ್ತಿನ ಮಾಲ್ಡೀವ್ಸ್ ಇತ್ತೆ ಭಾರತೀಯೆರ್ ಪೋಪಿನ ಪ್ರವಾಸಿ ತಾಣ ಆದ್ ಒರಿದಿಜಿ.

ರಡ್ಡ್ ದೇಶೊಲೆನ ನಡುಟು ರಾಜತಾಂತ್ರಿಕ ವಿವಾದ ಸುರು ಆಪಿನೆರ್ದ್ ದುಂಬು ಭಾರತೀಯೆರೆಗ್ ಸುರುತ ಪ್ರವಾಸಿ ತಾಣ ಮಾಲ್ಡೀವ್ ಆದಿತ್ತ್ಂಡ್. ಇಂಚೊಗು ನಡತಿನ ಸಮೀಕ್ಷೆಡ್ ಇತ್ತೆ ಭಾರತೀಯೆರ್ 5ನೇ ಸ್ಥಾನೊಡುಲ್ಲೆರ್. ಜನವರಿ 28 ಮುಟ್ಟ 1.74 ಲಕ್ಷ ಜನ ವಿದೇಶೀ ಪ್ರವಾಸಿಗೆರೆಡ್ 13,989 ಜನ ಭಾರತೀಯೆರ್ ಅಡೆಗ್ ಭೇಟಿ ಕೊರ್ತೆರ್.

ಚೈನಾದ ಕೆಬಿ ಪಿತ್ತಲೆಡ್ ಭಾರತದ ವಿರುದ್ದ ದಗಲ್ಬಾಜಿ ನೀತಿ ಮಲ್ತೊಂದಿಪ್ಪುನ ಮಾಲ್ಡೀವ್ಸ್ ಅಧ್ಯಕ್ಷೆ ಮೊಹಮ್ಮದ್ ಮಯಿಜ್ಜು ವಿರುದ್ದ ಸಂಸತ್ ಡ್ ವಾಗ್ದಂಡನೆ ಮಸೂದೆ ಮಲ್ಪರೆ ಅಲ್ಪದ ವಿಪಕ್ಷೆೊಲು ಅಟ್ಟನೆ ಮಲ್ತೊಂದ.