Last updated on August 24th, 2022 at 09:03 am
ಪೆರ್ಯಾದಿ 66ಟ್ಟ್ ಎನೈಟಿಕೆದಲ್ಪ ಉಪ್ಪುನ ಟೋಲ್ ಗೇಟ್ ಒಂಜಿ ತಿಂಗೊಲುದ ಉಲಾಯಿ ಬಂದ್ ಆಪುಂಡು ಪನ್ದ್ ಯೋಜನಾ ನಿರ್ದೇಶಕೆರಾಯಿನ ಲಿಂಗೇಗೌಡೆರ್ ದೃಢ ಮಲ್ತೆರ್. ಸುರತ್ಕಲ್ದ ಟೋಲ್ ಗೇಟ್ ಪೆಜಮಾಡಿ ಟೋಲ್ ದೊಟ್ಟುಗು ವಿಲೀನ ಆಪುಂಡುಗೆ. ವೀಲೀನೊನು ಒಂಜಿ ತಿಂಗೊಲ್ದುಲಾಯಿ ಮಲ್ಪೊಡು ಪನ್ದ್ ಕೇಂದ್ರ ಸಚಿವೆರಾಯಿನ ನಿತಿನ್ ಗಡ್ಕರಿ ನಿರ್ದೇಶನ ಕೊರ್ತೆರ್ ಪನ್ದ್ ತೆರಿಪಾಯೆರ್. ಜನಕುಲು ಮಸ್ತ್ ಸಮಯೊರ್ದಿಂಚಿ ಸುರತ್ಕಲ್ದ ಟೋಲ್ ಉಂತಾವೊಡು ಪನ್ದ್ ಪೊರುಂಬಾಟ ಮಲ್ತೊಂದಿತ್ತೆರ್.
ಈ ಟೋಲ್ ಪೆಜಮಾಡಿದೊಟ್ಟುಗು ವಿಲೀನ ಆಪಿನೆರ್ದಾವರ ಪೆಜಮಾಡಿ ಟೋಲುಡು ನನ ಚಾರ್ಜುಲು ಜಾಸ್ತಿ ಆವು. ಒಂಜಿ ವೇಳೆ ಅಂಚ ಆಂಡ ಕುಡ್ಲ-ಒಡಿಪು ತಿರ್ಗುನಕಲೆಗ್ ಬಂಗ ಆಂಡ್. ಪೆಜಮಾಡಿರ್ದ್ ಒಡಿಪು ಬೊಕ್ಕ ಪೆಜಮಾಡಿರ್ದ್ ಕುಡ್ಲದ ತಾದಿಡ್ ಪೋಪಿನಕುಲು ನನ ಒವ್ವೇ ಟೋಲ್ದ ಕಿರಿಕಿರಿ ದಾಂತೆ ಪೋವೊಲಿ.
