Last updated on February 9th, 2024 at 07:22 pm
ಕುಡ್ಲ: ಕುಡ್ಲ ಸೇರ್ದ್ 19 ನಗರೊಲೆಡ್ CGHS ವೆಲ್ನೆಸ್ ಸೆಂಟರ್ ತಾಪನೆಗ್ ಕೇಂದ್ರ ಸರ್ಕಾರೊದ ತಾತ್ವಿಕ ಒಪ್ಪಿಗೆ ತಿಕ್ಕ್‌ದಿತ್ತ್‌ದ್ ಆ ಮುಕೇನ ರಿಟೈರ್ಡ್ ಕೇಂದ್ರ ಸರ್ಕಾರಿ ನೌಕರೆರೆ ಮಸ್ತ್ ಸಮೆತ ಅಂಗಲಪ್ಪು ಈಡೆತ್ತ್‌ದ್ಂಡ್.
ಕುಡ್ಲಡ್ ಕೇಂದ್ರ ಸರ್ಕಾರೊದ ಆರೋಗ್ಯ ಯೋಜನೆ (ಸಿಜಿಎಚ್‌ಎಸ್) ಕ್ಷೇಮ ಕೇಂದ್ರ ತಾಪನೆಗ್ ಕೇಂದ್ರ ಸರ್ಕಾರ ತಾತ್ವಿಕ ಒಪ್ಪಿಗೆ ಕೊರ್ತುಂಡು ಪಂದ್ ಶುಕ್ರವಾರ ಅಧಿಕೃತ ಪ್ರಕಟಣೆ ತೆರಿಪಾದ್ಂಡ್. ಕುಡ್ಲ ಸೇರ್ದ್ ಭಾರತೊಡೊರ್ಮೆ 20 ನಗರೊಲೆಡ್ CGHS ಕ್ಷೇಮ ಕೇಂದ್ರೊಲೆನ್ ಕಟ್ಟಾವ ಪಂದ್ ಕೇಂದ್ರ ಆರೋಗ್ಯ ಸಚಿವೆ ಮನ್ಸುಖ್ ಮಾಂಡವಿಯ ಮೇರ್ ಫೆಬ್ರವರಿ 5 ತಾನಿ ಸಂಸದೆ ನಳಿನ್ ಕುಮಾರ್ ಕಟೀಲ್ ಮೆರೆಗ್ ಓಲೆಡ್ ತೆರಿಪಾದೆರ್ ಪಂದ್ ನಳಿನ್ ಕಟೀಲ್ ಕಚೇರಿದ ಅಧಿಕೃತ ಸಂವಹನ ತೆರಿಪಾದ್ಂಡ್.
ವರದಿಲೆನ ಪ್ರಕಾರ, ಕೇಂದ್ರ ಸಚಿವೆ ಮಾಂಡವಿಯ ಮೇರ್ ತನಾನ ಓಲೆಡ್, … ಸಿಜಿಎಚ್‌ಎಸ್‌ಗ್ ಸಂಬಂಧಿತಿನ ಎಚ್ಚಿಗೆದ ನಿರ್ದೇಶಕೆರ್ ಕುಡ್ಲಗ್ ಭೇಟಿ ಕೊರ್ದು ಸಿಜಿಎಚ್‌ಎಸ್ ಕ್ಷೇಮ ಕೇಂದ್ರೊನು ತಾಪನೆ ಮನ್ಪುನ ಸಾಧ್ಯತೆಲೆನ್ ಪರಿಶೀಲಿಪೆರ ಸೂಚನೆ ಕೊರ್ತುಂಡು. ಅಂಚೆನೇ, ಕುಡ್ಲ ಸೇರಿರ್ದ್ ದೇಶೊಡೊರ್ಮೆ 20 ನಗರೊಲೆಡ್ ಪೊಸ ಸಿಜಿಎಚ್‌ಎಸ್ ಕ್ಷೇಮ ಕೇಂದ್ರೊಲೆನ ತಾಪನೆಗ್ ತಾತ್ವಿಕ ಅನುವುನು ಇಂಚಿಪ್ಪೊಗು ಕೊರ್ತುಂಡು ಪಂದ್ ಒಲವು ಕೊರ್ತೆರ್ಂದ್ ತೆರಿದ್ ಬೈದ್ಂಡ್.