Last updated on February 26th, 2024 at 01:43 pm
ಹೆಬ್ರಿ: ಹೆಬ್ರಿ ಮುಟ್ಟದ ನೆಲ್ಲಿಕಟ್ಟೆ ಕ್ರಾಸ್‌ಡ್ ಸೀತಾಸುದೆಕ್ ಮೀಯೆರ ಜತ್ತಿನ ಬೈದ್ಯೆ ಸೇರ್ದ್ ಇರ್ವೆರ್ ಮುರ್ಕುದ್ ತೀರ್ದಿನ ನಡಕೆ ಐತಾರ ಬಯ್ಯಡ್ ನಡತ್‌ದ್ಂಡ್.
ಶಿವಮೊಗ್ಗ ಮೂಲೊದ ಶೃಂಗೇರಿಡ್ ಬೈದ್ಯೆರಾದಿತ್ತಿನ ಡಾ. ದೀಪಕ್‌(34) ಬೊಕ್ಕ ಶಿವಮೊಗ್ಗದ ಉದ್ಯಮಿ
ಸಿನು ಡೇನಿಯಲ್‌ (40) ತೀರ್ದಿನಕುಲು.
ಸಿನು ಡ್ಯಾನಿಯಲ್‌ ಮೇರ್ ತನ್ನ ಪಾಸಾಡಿ ಡಾ. ವಿನ್ಸೆಂಟ್‌ ಎಂ.ಸಿ. ಮೋಹನ್‌‌ರೆನ ಒಟ್ಟುಗು ಶಿವಮೊಗ್ಗರ್ದ್ ಹೆಬ್ರಿಗ್ ಬತ್ತ್‌ದ್, ಮಣಿಪಾಲರ್ದ್ ಬೈದಿನ ಬೈದ್ಯೆ ದೀಪಕ್‌‌ರೆಡ ಹೆಬ್ರಿಡ್ ತಿಕ್ಕ್‌ದ್ ವನಸ್ ಮಲ್ತ್‌ದ್ ಸೋಮೇಶ್ವರದಂಚಿ ಪೋನಗ ಸೀತಾಸುದೆಕ್ ಮೀಯೆರ ಜತ್ತ್‌ದೆರ್. ಸಿನು ಡ್ಯಾನಿಯಲ್‌ ಮೀಯೊಂದು ದುಂಬು ಪೋದಿತ್ತ್‌ದ್, ಮೀಂದ್ಯೆರ ಬರಂದಿನೆರ್ದಾವರ ನೀರ್‌ಡ್ ಮುರ್ಕುದೆರ್. ಉಂದೆನ್ ತೂಯಿನ ದೀಪಕ್‌ ನೀರ್‌ಗ್ ಲಾಗಿದ್ ಆರೆನ್ ಬದ್‌ಕಾಯೆರ ತೂನಗ ಇರ್ವೆರ್ಲಾ ಮುರ್ಕುದೆರ್.
ಡಾ| ವಿನ್ಸೆಂಟ್‌ ಪಾಸಾಡಿಲೆನ್ ರಕ್ಷಿಪೆರ ಸುದೆಕ್ ಲಾಗ್ಯೆರ್ನ್ಡಲಾ ಮೀಂದ್ಯೆರ ಬರಂದಿನೆರ್ದಾವರ ಅಕಲೆನ್ ಬದ್‌ಕಾಯೆರ ಆವಂದೆ ಮರೊತ ಬೇರ್‌ನ್ ಪತೊಂದು ಮಿತ್ತ್ ಬೈದೆರ್. ಹೆಬ್ರಿ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.