ಸುರತ್ಕಲ್ : ನೀಂದರೆ ಪೋದು ಮುರ್ಕುದು ತೀರಿನ ಜೋಕುಲೆನ ಇಲ್ಲದಕಲೆಗ್ ಪರಿಹಾರ

Last updated on March 16th, 2024 at 02:02 pm

ಸುರತ್ಕಲ್ : ನಂದಿನಿ ತುದೆಟ್ ನೀಂದರೆ ಪೋದು ತೀರಿನ ಶಾಲೆದ ಜೋಕುಲಾಯಿನ ಯಶ್ವಿತ್, ನಿರೂಪ್, ಅನ್ವಿತ್ ಬೊಕ್ಕ ರಾಘವೇಂದ್ರ ಕುಟುಮೊಗು ತಲಾ 2 ಲಕ್ಷದಲೆಕ್ಕ ಒಟ್ಟು 8 ಲಕ್ಷ ಪರಿಹಾರ ಸರಕಾರೊರ್ದು ಬುಡುಗಡೆ ಆತ್ಂಡ್. ಉಂದೆತ ಚೆಕ್ ಡಿಸಿ ಕಛೇರಿಡ್ ಪಟ್ಟಿಯೆರ್ ಪನ್ದ್ ತೆರಿದ್ ಬೈದ್ಂಡ್.

ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ ಒಡಿಪುದ ಪ್ರವಾಸೊಡು ಉಪ್ಪುನಗ ಮಾಜಿ ಸಚಿವೆರ್ ಮೊಯಿದ್ದೀನ್ ಬಾವಾ ಮೇರ್ ಅರೆಗ್ ತೆರಿಪಾದ್ ಉಂದು ವಿಶೇಷ ಪ್ರಕರಣ ಪನ್ದ್ ತೆರಿದ್ ಪರಿಹಾರ ಬುಡುಗಡೆ ಮಲ್ಪೊಡು ಪನ್ದ್ ಮನವಿ ಮಲ್ದಿತ್ತೆರ್. ಆಂಡ ಜಿಲ್ಲಾದಿಕಾರಿ ಕಚೇರಿರ್ದ್ ನಡಕೆದ ವರದಿ ಬೆಂಗಳೂರುಗು ಎತ್ತಂದಿನೆರ್ದಾವರ ಪರಿಹಾರ ಕೊರಿಯರೆ ಕಡೆಸುದಿತ್ತ್ಂಡ್. ತಾಪುರ್ತೋಪ್ ಸಂತ್ರಸ್ತೆರ್ನ ಕುಟುಮದೊಟ್ಟುಗು ಬಾವೆರ್ ಪೋದು ಜಿಲ್ಲಾಧಿಕಾರಿಲೆಗ್ ಪರಿಸ್ಥಿತಿ ತೆರಿಪಾದ್ ಮುಖ್ಯಮಂತ್ರಿಲೆನ ಪರಿಹಾರ ಬುಡುಗಡೆ ಮಲ್ಪರೆ ಬೋಡಾಪಿನ ವರದಿನ್ ಕಾಲಿ ಮೂಜಿ ದಿನೊಟೇ ಕಡಪುಡ್ದ್ ಪರಿಹಾರ ಬತ್ತಿಲೆಕ್ಕ ಆಂಡ್.