ಮೂಲ್ಕಿ ಸುಂದರ್ ರಾಮ್ ಶೆಟ್ಟಿ ಕಾಲೇಜ್‌ಡ್ ಮತದಾನ ಜಾಗೃತಿ

Last updated on April 3rd, 2024 at 09:10 am

ಮೂಲ್ಕಿ ಸುಂದರ್ ರಾಮ್ ಶೆಟ್ಟಿ ಕಾಲೇಜ್, ಶಿರ್ವ ಮುಲ್ಪ 02-04-2024 ದ ದಿನತಾನಿ ಮತದಾನ ಜಾಗೃತಿ ಪನ್ಪಿನ ಕಜ್ಜ ನಡತ್ಂಡ್, ಈ ಕಜ್ಜೊಗ್ ಬಿನ್ನೆರಾದ್ ಶ್ರೀ ಜಯಮಾಧವ – ಸಹಾಯಕ ಚುನಾವಣಾ ಅಧಿಕಾರಿ, ಕಾಪು ವಿಧಾನಸಭಾ ಕ್ಷೇತ್ರೊ ಬೊಕ್ಕ ಡಾ. ಪ್ರತಿಭಾ – ತಹಶೀಲ್ದಾರೆರ್ ಕಾಪು ತಾಲೂಕ್ ಬೊಕ್ಕ ರೆವೆನ್ಯೂ ಇನ್ಸ್ಪೆಕ್ಟರ್ ಇಸಾದ್ ಶಬೀರ್, ಶ್ರೀ ಅನಂತ ಪದ್ಮನಾಭ ನಾಯಕ್ – ಪಿಡಿಒ, ಗ್ರಾಮ ಪಂಚಾಯತ್ ಶಿರ್ವ ಬೊಕ್ಕ ಶ್ರೀಮತಿ ಶ್ವೇತಾ – ಗ್ರಾಮ ಆಡಳಿತ ಅಧಿಕಾರಿ, ಗ್ರಾಮ ಪಂಚಾಯತ್ ಶಿರ್ವ ಮೊಕುಲು ಕಜ್ಜೊಡು ಪಾಲ್ ಪಡೆಯೊಂದಿತ್ತೆರ್, ಶ್ರೀ ಜಯಮಾಧವ ಮೇರ್ ಕಜ್ಜೊನು ಉದ್ದೇಷಿಸದ್ ಪ್ರಾಸ್ತಾವಿಕವಾದ್ ಪಾತೆರಿಯೆರ್. ಬೊಕ್ಕ ಕಾಪು ತಾಲೂಕುದ ತಹಶೀಲ್ದಾರೆರಾಯಿನ ಡಾ. ಪ್ರತಿಭಾ ಮೇರ್ ಕಲ್ಪಾರ್ಥಿಲೆಗ್ ಅದಬೋದನೆ (ಪ್ರತಿಜ್ಞಾ ವಿಧಿ) ಮಲ್ತೆರ್. ಕಜ್ಜೊದ ಗುರ್ಕಾರ್ಮೆನ್ ವಯ್ಸೊಂದಿನ ಕಾಲೇಜಿ ದ ಪ್ರಿನ್ಸಿಪಾಲ್ ಡಾ. ಮಿಥುನ್ ಚಕ್ರವರ್ತಿ ಮೇರ್ ಗುರ್ಕಾರ್ಮೆದ ಭಾಶಣ ಮಂತೆರ್. ಕಾಲೇಜಿದ ರಾಜ್ಯಶಾಸ್ತ್ರ ವಿಭಾಗೊದ ಕಲ್ಪಾದಿ ಆಯಿನ ಕುಮಾರಿ ಪ್ರಿಯಾಂಕ ಮೇರ್ ಕಾರ್ಯಕ್ರಮೊದ ನಿರೂಪಣೆ ನ್ ನಡಪಾದ್ ಕೊರಿಯೆರ್. ಶಿರ್ವ ಗ್ರಾಮ ಪಂಚಾಯತ್ದ ಪಿಡಿಒ ಅನಂತ ಪದ್ಮನಾಭ ನಾಯಕ್ ಮೇರ್ ಮಾತೆರೆಗ್ಲ ಸೊಲ್ಮೆ ಸಂದಾಯ್ತ ಮಂತೆರ್.