Last updated on April 3rd, 2024 at 08:38 pm
ಕುಡ್ಲ: ಭಾರತೊಡು ಬಾರೀ ಪಗರ್ತೆದ, ಸಿಮ ವಾತಾವರಣೊ ಅಂಚೆನೇ ಮೈಂದ್‌ದ ವಿಶೇಷ ಅನುಭವ ಕೊರ್ಪುನ ಸ್ನೋ ಫ್ಯಾಂಟಸಿ ಕುಡ್ಲದ ಪಾಂಡೇಶ್ವರೊಡುಪ್ಪುನ ಫಿಝ್ಜಾ ಬೈ ನೆಕ್ಸಸ್ ಮಾಲ್‌ಡ್ ಸುರು ಆತ್ಂಡ್.
ಕೊಯಂಬತ್ತೂರು ಬೊಕ್ಕ ಕಲ್ಲಿಕೋಟೆರ್ದ್ ಬೊಕ್ಕ ಕುಡ್ಲಡ್ ಈ ಪಾರ್ಕ್ ಮೊಕಲ್ನ ಮೂಜನೇ ಮಲ್ಲ ಪಜ್ಜೆ ಆದುಂಡು. ಆತೇ ಅತ್ತಂದೆ ತುಳುನಾಡ್‌ಡ್ ಉ್ಂದು ಕಟ್ಟ ಕಡೀರ್ದವು.
ಈ ಸಿಮ ಮಾಲಿಗೆದುಲಯಿ ಮೈಂದ್ ಬೂರುನ ಅನುಭವ, ಡಿಜೆ, ಕಾಫಿ ಶಾಪ್, ಸಿಮ ಮುರ್ಗೊಲೆನ ಒರುಕ್ಲೆನ್ ತೂಪುನ, ಅಂಚೆನೇ ಸಿಮ ಶಿಖರೊಲೆನ, ಸಿಮ ಪಾಸೇಜ್‌ಲೆಡ್ ನಡಪುನ ಅನುಭವ ಬಾರೀ ಸೋದ್ಯ.
ಕುಡ್ಲದ ಇತ್ತೆದ ದೊಂಬುದ ಪೆಟ್ಟ್‌ಡ್ ಇಲ್ಲದಕುಲು ಮಾತ ಒತ್ತಟ್ಟಾದ್ ಬತ್ತ್‌ದ್ ಒಂಜಿ ಎಡ್ಡೆ ಅನುಭವೊನು ಪಡೆವೊನುನು ಎಡ್ಡೆ ಪಂದ್ ಸ್ನೋ ಫ್ಯಾಂಟಸಿಯ ಡೈರೆಕ್ಟರ್ ಆದಿತ್ಯೆರ್ ಪನ್ಪೆರ್.
ಅಂತರರಾಷ್ಟ್ರೀಯ ಗುಣಮಟ್ಟೊದ ಈ ಸ್ನೋ ಫ್ಯಾಂಟಸಿದ ಉಲಯಿ ಪೋಪುನಕಲೆಗ್ ಜಾಕೆಟ್, ಸಾಕ್ಸ್, ಬೂಟ್ ಇಂಚ ಬೋಡಾಪಿ ಸೊತ್ತುಲೆನ್ ಕೊರ್ಪೆರ್. ಅಕಲ್ನ ಆರೋಗ್ಯೊದ ಬಗೆಟ್ ಅಂಚೆನೇ ಅಪಾಯೊಲೆನ್ ಉಂತಾವೆರೆ ಬೋಡಾಪಿನ ಮಾತಾ ಸೇಫ್ಟಿ ಫೀಚರ್ಸ್‌ಲೆನ್ ದೀವೊಂದೆರ್.
ಎಲ್ಲೆ ಏಪ್ರಿಲ್ 4 ತ ಗುರುವಾರ ಕಾಂಡೆ 11 ಗಂಟೆರ್ದ್ ರಾತ್ರೆ 10 ಗಂಟೆ ಮುಟ್ಟ ದಿನೋಲಾ ಈ ಸ್ನೋ ಫ್ಯಾಂಟಸಿ ಓಪನ್ ಇಪ್ಪುಂಡು ಪಂದ್ ಕಂಪನಿದ ಆಡಳಿತ ಅಧಿಕಾರಿ ಬಿಪಿನ್ ಝಕಾರಿಯ ತೆರಿಪಾಯೆರ್.
ಈ ಪೊರ್ತುಡು ಕುಡ್ಲ ಮಾಲ್ ಮುಖ್ಯಸ್ಥೆ ಅರವಿಂದ್ ಶ್ರೀವಾಸ್ತವ್ ಅಂಚೆನೇ ನೆಕ್ಷಸ್ ಸೆಲೆಕ್ಟ್ ಮಾಲ್ಸ್, ರೀಜನಲ್ ಮುಖ್ಯಸ್ಥೆ ತನ್ವೀರ್ ಶೇಕ್ ಒತ್ತುಪಾಲ್‌ಡ್ ಇತ್ತೆರ್.