Last updated on August 26th, 2022 at 01:00 pm
ವೋಟುದ ಪೊರ್ತುಡು ರಾಜಕೀಯ ಪಕ್ಷೊಲು ಜನೊಕ್ಲೆನ ಮನಸ್ ಗೆಂದೆರ ಬೋಡಾದ್ ದರ್ಮೊಗು ಸೊತ್ತುಲೆನ್/ಸೌಲಭ್ಯೊಲೆನ್ ಕೊರ್ಪುನ ಭರವಸೆದ ಪ್ರಕರಣೊನು (Freebies Case) ಸುಪ್ರಿಂ ಕೋರ್ಟ್ ತ್ರಿಸದಸ್ಯ ಪೀಠೊಗು ಕಡಪಾದ್ ಕೊರ್ತುಂಡು. ಅಂಚೆನೇ ತಜ್ಞೆರೆ ಸಮಿತಿ ಉಂಡು ಮಲ್ತ್‌ದ್ ಮಾತಾ ಪಕ್ಷೊಲೆನ ಇನಯ ಲೆಪ್ಪೆರೆ ಕೇಂದ್ರ ಸರಕಾರೊಗು ಸೂಚನೆ ಕೊರ್ತುಂಡು.
ದರ್ಮೊಗು ಪಟ್ಟುನ ಭರವಸೆ ಕೊರ್ಪುನೆನ್ ಉಂತಾವೊಡು ಪಂದ್ ಪೆರಿಯ ಲಾಯರ್ ಅಶ್ವಿನಿ ಉಪಾಧ್ಯಾಯೆರ್ ಸಂದಾಯಿನ ಅರ್ಜಿದ ವಿಚಾರಣೆ ಮಲ್ತಿನ ಸಿಜೆಐ ಎನ್. ವಿ. ರಮಣ ಮುತಾಲಿಕೆದ ನ್ಯಾಯಪೀಠ “ಎಲೆಕ್ಟೋರಲ್ ಪ್ರಜಾಪ್ರಭುತ್ವೊನು ಏರ್ಲಾ ಬಲ್ಲಿ ಪನರೆ ಆಪುಜಿ, ಆಂಡಲಾ ದರ್ಮೊಗು ಕೊರ್ಪುನ ಇಸಯೊದ ಬಗ್ಗೆ ತ್ರಿಸದಸ್ಯ ಪೀಠ ಒರ ತೂಪುನ ಎಡ್ಡೆ” ಪಂದ್ ಸುಪ್ರೀಂ ಕೋರ್ಟ್ ತೆರಿಪಾಂಡ್.
